X

ფოტომოდელი თათია ჭკადუა და მისი 5 წლის ანასტასია

ახალი თაობა
06.01.2017 20:00
2175

24 წლის ფოტომოდელ თათია ჭკადუას ერთი შვილი - 5 წლის ანასტასია ჰყავს...

გადაღების ადგილია ავეჯის სახლი „პანცილიონი“.

ფოტოგრაფი: ალექსანდრე სხულუხია
  • 19 წლის ვიყავი, როცა ანასტასია შემეძინა. 24 წლის ასაკში უფრო ვაცნობიერებ, რომ დედა ვარ და მეტ პასუხიმგებლობას ვგრძნობ.

  • აღზრდის პროცესი საკმაოდ რთულად მახსენდება, რადგან წელიწადნახევარი ღამე არ ეძინა ხოლმე. დამხმარეც არავინ მყავდა. სამწლინახევრიდან კი სრულიად მარტო ვზრდი, თუმცა მამასთან კარგი ურთიერთობა აქვს.

  • ანასტასიასთან მეგობრული დამოკიდებულება უფრო მაქვს, ვიდრე დედა-შვილური. იმდენად მოწესრიგებული ბავშვია, სიმკაცრის გამოჩენაც არ მიწევს.

  • მე და ანასტასია მარტო ვცხოვრობთ, თუმცა მისი აღზრდა არ მიჭირს. უცხოენოვან საბავშვო ბაღში დადის, საღამოობით კი სულ ერთად ვართ.

  • გასართობ ცენტრებში ხშირად დამყავს. იმდენად კომფორტული ბავშვია, რომ მეგობრებთან ერთად როცა მივდივარ, შემიძლია, თან წავიყვანო, თუ გვიანობამდე არ გვიწევს ყოფნა.

  • ანასტასია ხშირად მეუბნება, რომ და ან ძმა უნდა. 

  • ანასტასია ჩემთვის ყველაზე ძვირფასია. მასთან ერთად ყოველი დღე დიდი სიახლეა!

  • მომავალი იურისტი გახლავართ. უნივერსიტეტში გვიან ჩავაბარე და ამჟამად მეორე კურსის სტუდენტი ვარ. გარდა ამისა, დედაჩემის სამშენებლო კომპანიაში მენეჯერის პოზიციაზე ვმუშაობ.

  • ფოტომოდელობამ ადრეული ასაკიდან გამიტაცა, თუმცა ეს ჰობი უფრო გახლავთ, ვიდრე პროფესია. ამის მიუხედავად, გადაღებები თუ არ მაქვს, ეს პროცესი მენატრება ხოლმე.

ავტორი: სოფიო ბოჭორიძე