ექიმ ბორმენტალის დიეტა - წონაში კლება შიმშილის გარეშე

დიეტა

18 ნოემბერი 12:00, 2016 წელი

ექიმ ბორმენტალის დიეტა დაბალკალორიული და ეფექტურია. თუკი რეკომენდაციებს გაითვალისწინებთ, შედეგს აუცილებლად მიიღებთ. დიეტის პერიოდში, შეგიძლიათ საკუთარი თავი საყვარელი პროდუქტებით გაანებივროთ, რაც, სხვა დიეტების შემთხვევაში დაუშვებელია.

არსებობს კვების უნიკალური სისტემა, რომელიც მარტივად დაგეხმარებათ ზედმეტ კილოგრამებთან ბრძოლაში.
ექიმ ბორმენტალის დიეტა - ეს გახლავთ ფსიქოლოგიური ტრენინგი, რომელიც გაგათავისუფლებთ დიეტასთან დაკავშირებული მტანჯველი ემოციებისგან და ზომიერად კვების ჩვევებს ჩამოგიყალიბებთ. ეს არ ნიშნავს იმას, რომ ბორმენტალის მიმდევრები ჭამისგან სიამოვნებას ვერ იღებენ. პირიქით, მიღებული პროდუქტები საკამოდ მადის აღმძვრელია.


ბორმენტალის დიეტის ძირითადი პრინციპი დაბალკალორიული, მაგრამ მრავალფეროვანი კერძებია. მთავარია სწორი კვება.

დიეტის პერიოდში შიმშილი არ შეგაწუხებთ, თუმცა, გადამეტებული ჭამაც დაუშვებელია. ყოველი დილა უნდა დაიწყოთ ნოყიერი საუზმით. ნუ მოერიდებით ნახშირწყლების მიღებას, რადგან, ნახშირწყლები ენერგიის წყაროა და დღის მანძილზე დადებითი განწყობის შენარჩუნებაში დაგეხმარებათ.


რა უნდა გაითვალისწინოთ დიეტის დროს:


- მკაცრად აკონტროლეთ კვების რეჟიმი;
- საკვები უნდა მიიღოთ დღეში 5-ჯერ გარკვეული საათების მიხედვით.
- თუკი შიმშილი შეგაწუხებთ, შეგიძლიათ წაიხემსოთ;
- დიეტის პერიოდში ყურადღება მიაქციეთ თქვენს ფსიქოლოგიურ მდგომარეობას, რადგან ამ დროს ძალიან რთულია საყვარელ კერძებზე უარის თქმა.
- დიეტის მნიშვნელოვანი კრიტერიუმია კალორიების დათვლა. დღის მანძილზე უნდა მიიღოთ, საშუალოდ, 1200 კალორია. თუკი პასიური ცხოვრების წესით გახასიათებთ, დღის მანძილზე მიღეული კალორიების რაოდენობა უნდა იყოს 900, ხოლო თუკი აქტიური ცხოვრების წესს მისდევთ და სპორტით ხართ დაკავებული, კალორიების რაოდენობა 1500-მდე გაზარდეთ.
- იმისთვის, რომ თავი დანაყრებულად იგრძნოთ, ძირითადი კვების მიღების შემდეგ დალიეთ ნებისმიერი თბილი სასმელი: ჩაი, უშაქრო კომპოტი, ყავა.


დიეტის პერიოდში სასურველია კვირაში ერთხელ განტვირთვის დღე მოაწყოთ -მთელი დღის მანძილზე მიიღეთ ერთი სახეობის დიეტური პროდუქტი: კეფირი, წიწიბურა, ვაშლი ან ნებისმერი სხვა. ეს დადებითად აისახება წონაში კლების პროცესზე.


 


ბორმენტალის დიეტის უპირატესობები:
1. მაღალი ეფექტურობა. ბორმენტალის დიეტის მიმდევრების უმეტესობამ თვეში, 5-დან 15 კილოგრამამდე წონაში დაკლება შეძლო. პროგრამის შედეგიანობა დამოკიდებულია თქვენს ძალისხმევაზე, მოცემული ყველა წესის დაცვასა და ცხორების ჯანსაღ წესზე. ასევე, მნიშვნელოვანია დიეტიდან სწორად გამოსვლა.

2. მრავალფეროვანი მენიუ. ბორმენტალის დიეტის მნიშვნელოვანი მახასიათებელია ის რომ, ამ დროს არაფერი იკრძალება, ეს კი თქვენს ფსიქოლოგიურ მდგომარეობაზე დადებითად აისახება. შეგიძლიათ მიიღოთ საყვარელი პროდუქტები, მაგრამ არ უნდა დაგავიწყდეთ კალორიების დათვლა.

3. ბორმენტალის მეთოდით კვების დროს უნდა მიიღოთ იმ რაოდენობის სითხე, რამდენსაც ორგანიზმი გთხოვთ. ნუ აიძულებთ თავს, მიიღოთ წყალი ძალდატანებით, თუმცა ეს არ ნიშნავს იმას, რომ სითხე საეღთოდ არ მიიღოთ. გახსოვდეთ, რომ სითხის მიღება მოწესრიგებული მეტაბოლიზმისთვის და წონაში კლებისთვის აუცილებელი პირობაა.

4. ბორმენტალის დიეტის დროს თავისუფლად შეგიძლიათ დაკავდეთ სპორტით. მსუბუქი სირბილი ან სიარული, ცურვა, ფიტნესი. ფიზიკური დატვირთვის მკვეთრი ზრდა სასურველი არ არის.


 


ბორმენტალის დიეტის ერთკვირიანი მენიუ

პირველი დღე


საუზმე: მწვანე ჩაი, წყალზე მომზადებული შვრიის ფაფა ხილით - 80 გრ (320 კკალ).
სადილი:  მოხარშული ქათმის მკერდი - 150 გრ (163 კკალ). პომიდორში ჩაშუშული (ან ღუმელში გამომცხვარი) ბადრიჯანი - 100 გრ (60 კკალ). კიტრი - 100 გ (13 კკალ).  ვაშლის კომპოტი უშაქროდ - 100 გრ (7 კკალ).
სამხარი: შავი ჩაი. ფორთოხალი - 100 გრ (33 კკალ).
ვახშამი: კეფირი - 100 გრ (38 კკალ). კომბოსტოს სალათი მწვანილებით - 150 გრ (97 კკალ. მოხარშული თევზი - 10 გრ (108 კკალ).


მეორე დღე


საუზმე: ხაჭო თხილით ან ნიგვზით - 100 გრ (130 კკალ). უშაქრო ყავა.
სადილი: ჭარხლის წვნიანი ხორცით - 200 გრ (170 კკალ). კიტრი  სალათის ფურცლებით - 150 გრ (35 კკალ). ქლიავის კომპოტი უშაქროდ - 100 გრ (9 კკალ).
სამხარი: გრეიფრუტი - 100 გრ (35 კკალ). პიტნის ჩაი.
ვახშამი: ღუმელში მომზადებული (გამომცხვარი) თევზის ფილე ყვავილოვან კომბოსტოსთან ერთად - 200 გრ (63 კკალ(. კეფირი - 100 გრ (38 კკალ).


მესამე დღე


საუზმე: ფორთოხლის წვენი - 250 გრ (43 კკალ). მოხარშული წიწიბურა  - 80 გრ (270 კკალ). ყველი - 30 გრ (100 კკალ).
სადილი: მოხარშული ქათმის მკერდი (136 კკალ). მოთუშული კომბოსტო - 100 გრ (24 კკალ). პომიდორი - 100 გრ ( 30 კკალ). ვაშლის კომპოტი უშაქროდ - 100 გრ (7 კკალ).
სამხარი: ნუში - 30 გრ (135 კკალ). მწვანე ჩაი.
ვახშამი: ომლეტი პომიდორით - 100 გრ (150 კკალ). კეფირი - 100 გრ (38 კკალ).


მეოთხე დღე


საუზმე: მწვანე ჩაი. მოხარშული მაკარონი პომიდვრის წვენით და ყველით - 80 გრ (328 კკალ).
სადილი: მოხარშული ძროხის ხორცი მოხარშული კარტოფილით - 100 გრ (229 კკალ). წითელი კომბოსტოს სალათი - 150 გრ (21 კკალ). ვაშლის კომპოტი უშაქროდ - 100 გრ (7 კკალ).
სამხარი: გოგრის წვენი - 100 გრ (30 კკალ). ცაცხვის ჩაი.
ვახშამი: ხაჭო ხილით - 100 გრ (126 კკალ). კეფირი - 100 გრ (38 კკალ).


მეხუთე დღე


საუზმე: ჟასმინის ჩაი. ღუმელში მომზადებული კვერცხი ბოსტნეულით - 100 გრ( 120 კკალ).
სადილი: ნიახურისა და სტაფილოს კრემ-სუპი - 100 გრ (60 კკალ). მოხარშული თევზი - 100 გრ (45 კკალ). მაყვლის კომპოტი უშაქროდ - 100 გრ (28 კკალ).
სამხარი: პომიდვრის წვენი - 100 გრ (13 კკალ). შავი ჩაი.
ვახშამი: მოთუშული ყაბაყი ქათმის ხორცით - 200 გრ (108 კკალ). კეფირი - 100 გრ (38 კკალ).


მეექვსე დღე


საუზმე: მწვანე ჩაი. ბუტერბროდი ქატოს პურით და ყველით - 100 გრ (150 კკალ). ვაშლი (44 კკალ).
სადილი: თევზის წვნიანი - 100 გრ (15 კკალ). მოთუშული მწვანე ლობიო - 100 გრ (24 კკალ). კიტრი - 100 გრ (13 კკალ). ქლიავისა და ვაშლის კომპოტი უშაქროდ - 100 გრ (9 კკალ).
სამხარი: გარგარი - 100 გრ (44 კკალ). პიტნის ჩაი.
ვახშამი: მოთუშული თევზი პომიდორით, ყველით და ბაზილიკოთი - 200 გრ (200 კკალ).


მეშვიდე დღე


საუზმე: შავი ყავა. მოთუშული ოსპი - 100 გრ (284 კკალ). ყველი - 30 ფრ (100 კკალ).
სადილი: მოხარშული ძროხის ხორცი - 100 გრ (139 კკალ). მოთუშული კომბოსტო - 100 გრ (25 კკალ). კიტრისა და პომიდვრის სალათი - 150 გრ (43 კკალ). ვაშლის კომპოტი უშაქროდ - 100 გრ (7 კკალ).
სამხარი: ფორთოხალი - 100 გრ (33 კკალ). მწვანე ჩაი.
ვახშამი: იოგურტი - 100 გრ (51 კკალ). ხაჭო მოცვის სოუსით - 100 გრ (121 კკალ).


ბორმენტალის დიეტის ოპტიმალური პერიოდი 1 კვირიდან 1 თვემდეა. კვირაში, შესაძლებელია 3-5 კილოგრამის დაკლება.
მოცემული მენიუს გარდა, შეგიძლიათ, მოამზადოთ ნებისმიერი კერძი, მაგრამ მთავარია, არ დაგავიწყდეთ ულუფებისა და კალორიების შესახებ. 

გისურვებთ ჯანმრთელობასა და სილამაზეს!

დღის ჰოროსკოპი

23 თებერვლის ასტროლოგიური პროგნოზი

რას გვირჩევენ ვარსკვლავები 23 თებერვლისთვის ჯანმრთელობის, ბიზნესის და სიყვარულის მიმართულებით?
ამბები

ფსიქოლოგი ნათია ფანჯიკიძე www.responsible.ge-ს კამპანიის შესახებ დეტალურად საუბრობს

„ევროპაბეთის“ მიერ დაფინანსებულმა ფსიქო-სარეაბილიტაციო კურსმა საზოგადოებაში მაღალი ინტერესი გამოიწვია.
დღის ჰოროსკოპი

22 თებერვლის ასტროლოგიური პროგნოზი

რას გვირჩევენ ვარსკვლავები 22 თებერვლისთვის ჯანმრთელობის, ბიზნესის და სიყვარულის მიმართულებით?
ამბები

ნათია ფანჯიკიძე responsible.ge-ს პროექტში ჩაერთო

დღეს  ფსიქო-სოციალური რეაბილიტაციის ცენტრ „კამარასა“ და კომპანია „ევროპაბეთს“ შორის ურთიერთთანამშრომლობის მემორანდუმი გაფორმდა. კომპანია თამაშზე დამოკიდებულ ადამიანებს ფსიქოსარეაბილიტაციო კურსს სრულად დაუფინანსებს.
ამბები

ვაინშტეფანი WEIHENSTEPHAN - მსოფლიოში პირველი და ყველაზე ძველი მონასტრის ლუდსახარში

რუბრიკის წარმდგენია გერმანული ლუდის სახლი „მიუნხენი“.
თემატური ჰოროსკოპი

ზოდიაქოს ეს 4 ნიშანი არასდროს უბრუნდება წარსულს

მათ არ უყვართ ძველი ცხოვრებისა და ძველი იარების გახსენება. განშორების დროს, რაც არ უნდა უჭირდეთ, ღირსეულად უჭირავთ თავი და ფიქრობენ, რომ ცხოვრება ისეთი ხანმოკლეა, არ ღირს წარსულზე დროის ხარჯვა.
ამბები

რა სახის სამუშაოებს უნდა აარიდოს დამსაქმებელმა ორსული, ახალნამშობიარები, მეძუძური ქალი

საქართველოს ჯანდაცვის მინისტრის ბრძანებით განისაზღვრა სამუშაოები, რომლებითაც დამსაქმებელმა ორსული ან ახალნამშობიარები ქალი, ასევე, მეძუძური დედა არ უნდა დაასაქმოს.
სილამაზე/ჯანმრთელობა

ლამაზი ვარცხნილობის გაკეთება 2 წუთში!

ამას ნებისმიერი შეძლებს. საჭიროა მხოლოდ კარგი მაკრატელი, ცოტა წყალი, თმის ფენი და მრგვალი სავარცხელი.
FUN-ტესტი

პიროვნული ტესტი - რა შეცდომას უშვებთ რთულ სიტუაციაში?

აირჩიეთ ერთი ლაბირინთი, რომელიც თქვენში სტრესის ასოციაციას იწვევს. ეს ფსიქოლოგიური ტესტი კარგი საშუალებაა, გაარკვიოთ, რა გეშლებათ რთულ სიტუაციაში, რათა შეცვალოთ თქვენი ქცევა და უფრო სწრაფად მიიღოთ შედეგი. 
ამბები

ნათია ფანჯიკიძე responsible.ge-ს პროექტში ჩაერთო

„ევროპაბეთის“ პასუხისმგებლიანი თამაშის კამპანიაში ფსიქოლოგიურ-სარეაბილიტაციო ცენტრები სრული დატვირთვით მარტის ბოლომდე ჩაერთვებიან - კომპანია თამაშზე დამოკიდებულ ადამიანებს სრულ სარეაბილიტაციო კურსს უფასოდ სთავაზობს.
დღის ჰოროსკოპი

21 თებერვლის ასტროლოგიური პროგნოზი

რას გვირჩევენ ვარსკვლავები 21 თებერვლისთვის  ჯანმრთელობის, ბიზნესის და სიყვარულის მიმართულებით?
მებაღის რჩევები

ნიორი - ოთახის მცენარეების მოსავლელად

ნიორი - ბუნების გულუხვი საჩუქარია, თანა - არა მხოლოდ ადამინი ჯანმრთელობისთვის. შეიძლება უცნაურად მოგეჩვენოთ, მაგრამ ნივრის კბილს და ნივრიან წყალს ჯადოსნური თვისებები აქვს მცენარეებისთვისაც!