„რატომ მკლავ?“ - ესპანელი მატადორის ახალი ცხოვრება

იცით თუ არა...

14 მარტი 15:00
331

„ხარს შევხედე. ჩემ წინ იდგა და ისიც მიყურებდა. უბრალოდ, იდგა და მიყურებდა და ჩემზე თავდასხმის არავითარ სურვილს არ ავლენდა. მის თვალებში იკითხებოდა, რომ უდანაშაულო იყო და დახმარებას მევედრებოდა... მაშინ თავი მსოფლიოში ყველაზე დიდ არამზადად ვიგრძენი“, - ჰყვებოდა ესპანელი მატადორი ალვარო მუნერო ერთ-ერთი კორიდის შემდეგ, რომელმაც მისი ცხოვრება შეცვალა...

ესპანელმა მატადორმა ალვარო მუნერომ ერთ-ერთი კორიდის შემდეგ ხარებთან ბრძოლაზე უარი თქვა, ვეგეტარიანელი გახდა და კორიდის წინააღმდეგ მებრძოლად იქცა.

მუნერო ბოლო ბრძოლას ასე იხსენებს: „ხარს შევხედე. ჩემ წინ იდგა და ისიც მიყურებდა. უბრალოდ, იდგა და მიყურებდა და ჩემზე თავდასხმის არავითარ სურვილს არ ავლენდა. მის თვალებში იკითხებოდა, რომ უდანაშაულო იყო და დახმარებას მევედრებოდა. ლაპარაკი რომ შეძლებოდა, ალბათ, მეტყოდა, შენთან ბრძოლა არ მინდა. შემიწყალე და ნუ მომკლავ, მე ხომ შენთვის არაფერი დამიშავებია. თუნდაც მომკლა, შენთან ჩხუბი მაინც არ მინდაო. შიგნით რაღაც ჩამიწყდა... გავაცნობიერე, რომ ისე მთხოვდა, როგორც ჩვენ ვევედრებით ღმერთს ჩვენს ლოცვებში. მაშინ თავი მსოფლიოში ყველაზე დიდ არამზადად ვიგრძენი და ბრძოლა შევწყვიტე. ამის შემდეგ, ვეგეტარიანელი და კორიდის წინააღმდეგ მებრძოლი გავხდი“.

ფოტოზე სწორედ ის მომენტია აღბეჭდილი, როცა გაოგნებულ მატადორთან დაჭრილი ხარი მიდის და თითქოს ეკითხება: შენთვის არაფერი დამიშავებია და რატომ მკლავ?