თავიდან ქალმა პიტბულის მოგერიება შიშველი ხელით სცადა, მაგრამ არაფერი გამოვიდა - ძაღლს ბავშვის თავი კბილებში ჰქონდა მოქცეული და გაშვებას არ აპირებდა. სხვა რომ ვერაფერი მოახერხა, სასოწარკვეთილი დედა ძაღლს ყურში ჩააფრინდა და მთლიანად მოაჭამა. ამან პიტბული შეაჩერა - მან ჩელსის პირი გაუშვა და გაიქცა. ძაღლისგან რომ დაეცვა, ჩელსი შვილის დასისხლიანებულ სხეულს შემოეხვია. პოლიცია მალე მოვიდა და ძაღლი, რომელიც ახალი თავდასხმისთვის ემზადებოდა, ადგილზე მოკლა. 
მაკკენზის ჭრილობები იმდენად მძიმე იყო, რომ მაშინვე საავადმყოფოში გადაიყვანეს. ბავშვის სიცოცხლის გადასარჩენად ექიმები შვიდი საათის განმავლობაში იბრძოდნენ. საბედნიეროდ, ყველაფერი კარგად დამთავრდა. გოგონას ნელ-ნელა გონება დაუბრუნდა და ჭრილობები შეუხორცდა.
ჩელსის თქმით, ბავშვის მეხსიერებიდან პიტბულის თავდასხმის მომენტი მთლიანად წაშლილია და არაფერი ახსოვს. „თუნდაც სახეზე იარები დარჩეს, ის ჩემთვის ყველაზე ლამაზია და რაც მთავარია, ცოცხალი მყავს“, - ამბობს ჩელსი.
