მალე ცისფერთვალება ახალგაზრდის არშად ხანის ფოტო პაკისტანში იმდენად პოპულარული გახდა, რომ ცნობილი ტანსაცმლის ბრენდმა ახალგაზრდას მასთან მოდელად მუშაობა შესთავაზა. ამის შემდეგ, სიმპათიურ ჩაის გამყიდველზე ყველა ადგილობრივი ტელევიზია ალაპარაკდა და მსოფლიო მედიაც დაინტერესდა.
აღსანიშნავია, რომ არშადი ეროვნებით პუშტუნია, როგორც ბოლივუდის ვარსკვლავთა უმეტესობა.
„მე ძალიან ბედნიერი ვიყავი, თუმცა ვერ ვხვდებოდი, რა მოხდა და ფოტო ვინ გადამიღო. მხოლოდ ამ დილას გავაცნობიერე, რომ კარგად გამოვიყურები. ადამიანები მოდიან, რომ ფოტო ან ვიდეო გადამიღონ, რაც ძალიან სასიამოვნოა“, - აღიარა არშადმა.
პროფესორი დეტლეფ ცვიკისის განმარტებით, არშადის მაგალითი ერთგვარი მედია-ფენომენის არსებობას ადასტურებს - ადამიანი მომენტალურად პოპულარული ხდება და ეს ნიჭიერი ადამიანების პოვნასაც აადვილებს.
„ფული იმისთვის მჭირდება, რომ ოჯახს დავეხმარო. მინდა, ყველაზე ღარიბი პაკისტანელების დასახმარებლად საქველმოქმედო საქმიანობა დავიწყო. თავად განათლებული არ ვარ და ვერასოდეს ვიოცნებებ, რომ ექიმი ან იურისტი გავხდე, მაგრამ იმ ბავშვებს მაინც დავეხმარები, ვისაც ამის შანსი ჯერ კიდევ აქვს. მე მინდა, მათთვის სკოლები გავხსნა“, - განუცხადა არშად ხანმა Associated Press-ის ჟურნალისტს.