მჭიდროდ დასახლებულ აზიაში, ალერგიის საფრთხისა თუ ჰიგიენური მოსაზრებების გამო, კანონმდებლობა ხშირად სახლში კატების ყოლას კრძალავს, ამიტომ ფისოების მოყვარულებს ოთხფეხა მეგობრებთან ურთიერთობა სპეციალურად ამისთვის განკუთვნილ ადგილებში შეუძლიათ.
ტაივანის დედაქალაქ ტაიბეიში 1998 წელს გახსნილ „კატების კაფეს“ იაპონელ ტურისტთა ისეთი მოწონება ხვდა წილად, რომ 2004 წელს უკვე იაპონიის ქალაქ ოსაკაშიც გაიხსნა.
აქვე უნდა აღინიშნოს აზიელთა სიყვარული ფისოების მიმართ და კატების სამკურნალო თვისებები, რასაც სპეციალური სახელი - ფელინოთერაპია უწოდეს.
დღეს მსოფლიოში 200-მდე „კატების კაფეა“, კერძოდ - რუსეთში, ლატვიაში, უკრაინაში, გერმანიაში, საფრანგეთში, აშშ-ში...
მიიჩნევენ, რომ კატებს ადამიანის ჯანმრთელობასა და გუნება-განწყობაზე დადებითი ზემოქმედების უნარი აქვთ.
ფუმფულა ფისოებს სრულიად რეალურად შეუძლიათ გულ-სისხლძარღვთა დაავადებების განკურნება, სახსრებისა და ხერხემლის პრობლემების მოგვარება და ა.შ.
სწორედ ამიტომ ამ ცხოველის მოყვარულები, სასიამოვნოსა და სასარგებლოს შესათავსებლად, „კატების კაფეებში“ ვიზიტებს ამჯობინებენ, სადაც შეუძლიათ, ფუმფულა მეგობრებთან ითამაშონ და გაერთონ.