ეს ჭკვიანი რეპტილია შხამს ნადირობისთვის იზოგავს და ცდილობს, ადამიანი შხამის გამოყენების გარეშე, „ცარიელი“ ნაკბენით დააფრთხოს.
ინდოელები გველის ასეთ ქცევას სხვაგვარად ხსნიან.
ბუდიზმში „სამეფო კობრა“ დაცვის სიმბოლოა და, ინდოელთა აზრით, გველებს შორის მხოლოდ მას ესმის ღმერთების ენა.
„სამეფო კობრის“ სადიდებლად ყოველწლიურად ზეიმები იმართება. ეწყობა გველებზე მონადირეების შოუ, რომლებსაც კუდით კობრა უჭირავთ და აიძულებენ, კაპიუშონი რაც შეიძლება ფართოდ გაშალოს.
ზეიმის შემდეგ კობრებს იმ ადგილზე აბრუნებენ, საიდანაც წამოიყვანეს და მადლიერების ნიშნად თხილითა და კანფეტებით უმასპინძლდებიან.
2006 წელს ინდოეთის ორისის შტატის 30 წლის მცხოვრებმა სამეფო კობრაზე იქორწინა.
თანასოფლელებმა „ახალდაქორწინებულებს“ საქორწინო დღესასწაული მოუწყვეს, რადგან დარწმუნებულნი იყვნენ, რომ ეს ქორწინება სოფლის მოსახლეობას ბედნიერებას მოუტანდა.
