ბედნიერი შემთხვევის წყალობით, რომელიც გარკვეულწილად, სპეცსამსახურების წარმომადგენლების, ბორტგამცილებლებისა და უბრალო მგზავრების სწორად მოქმედებამ განაპირობა, რეიდმა მიზანს ვერ მიაღწია. ამის შემდეგ, მსოფლიოს ყველა ქვეყნის აეროპორტში ზემოხსენებული წესი შემოიღეს.
სინამდვილეში, რიჩარდ რეიდი ამავე რეისით გამგზავრებას ერთი დღით ადრე, 21 დეკემბერს გეგმავდა, მაგრამ მისმა ნერვიულობამ და ბარგის უქონლობამ უსაფრთხოების თანამშრომლები დააეჭვა. რეიდი კარგა ხანს ამოწმეს და ბოლოს უთხრეს, რომ მეორე დღის რეისით მოუწევდა გაფრენა.
მეორე დღეს კი ბორტგამცილებლებმა რეიდს იმ დროს წაასწრეს, როცა სპორტულ ფეხსაცმელში მოთავსებული ბომბის ფითილის ანთებას ცდილობდა. ფითილს ანთება გაუჭირდა, რამაც მგზავრებსა და ბორტგამცილებლებს მოქმედებისთვის ძვირფასი დრო და რეიდის განეიტრალების საშუალება მისცა. თვითმფრინავი ექსტრემალურად დასვეს ბოსტონში.
როგორც მოგვიანებით გაირკვა, თვითმფრინავი კატასტროფისგან იმ ფაქტმა იხსნა, რომ წვიმიან პარიზში რეიდის ფეხსაცმელში მოთავსებული ფითილი ძალიან დაუსველდა. 
