იმიჯის შეცვლა
როლში რომ შესულიყო, ლედი გაგამ ვარცხნილობა შეიცვალა და გადაღებების დაწყებამდე რამდენიმე თვით ადრე შეღებვაც შეწყვიტა. ექსტრავაგანტური ქერა ფილმში მაყურებლის წინაშე მუქი ფერის თმითა და საკმაოდ რომანტიკული იმიჯით წარდგა.
გახსნილობა
მოსმენის დაწყებამდე კუპერმა ლედი გაგას სთხოვა, მაკიაჟი მოეცილებინა, რათა ის „სრულიად გახსნილი“ ყოფილიყო.
ავთენტურობა
მსახიობებს რომ გადასაღებ მოედანზე თავი კომფორტულად ეგრძნოთ, კუპერმა დაიქირავა ქორეოგრაფები, მოცეკვავეები, ვიზაჟისტები და პარიკმახერი ლედი გაგასთვის.
სწავლება
ქანთრის შემსრულებლის ჯექსონ მეინის როლში რომ შესულიყო, ბრედლი კუპერმა გაიცნო ჯგუფ Pearl Jam-ის ლიდერი ედი ბედერი და მას მუსიკის შესახებ, დაახლოებით, 9 ათასი შეკითხვა დაუსვა. გარდა ამისა, მსახიობი 6 თვის განმავლობაში მასთან ვოკალში მეცადინეობდა.
ელის როლი შეიძლებოდა ბიონსეს შეესრულებინა
მიუზიკლის „ვარსკვლავი დაიბადა“ რიმეიქი კლინტ ისტვუდს უნდა გადაეღო, მაგრამ გეგმები შეიცვალა და რეჟისორის ადგილი ბრედლი კუპერს ერგო. ეს რომ ასე არ მომხდარიყო, ელის როლს ბიონსე ითამაშებდა, როგორც თავიდან იგეგმებოდა.
42 დღე
კუპერის გუნდს ფილმის გადასაღებად 42 დღე დასჭირდა.
დირიჟორ-არანჟიროვშიკი
სტეფანი ჯოან ანჯელინა ჯერმანოტამ (ლედი გაგას ნამდვილი სახელი და გვარი) საკუთარ თავზე არა მარტო მთავარი როლის შესრულება აიღო, არამედ დირიჟორისა და არანჟირების ავტორისაც. მომღერალმა თავად დაწერა მუსიკა და ორკესტრსაც ხელმძღვანელობდა ყველასთვის საყვარელი სიმღერის „Before I Cry“-ის ჩაწერისას.
ორიგინალი ძაღლი
როლი ძაღლისა, რომელიც ლედი გაგას გმირს მუსიკოსისთვის მოჰყავს, ბრედლი კუპერის ოთხფეხა მეგობარმა ჩარლიმ ითამაშა.
ცრემლები
იმ ეპიზოდის გადაღებისას, როცა ჯეკი და ბობი მანქანაში საუბრობენ, ბრედლი კუპერი ნამდვილად ატირდა.
შლაპა
როცა სცენაზე ადიოდა, მსახიობი ყოველთვის იხდიდა ქუდს - ამით იმის დემონსტრირება სურდა, რომ სრულიად გახსნილი იყო. ზუსტად ასე იხდის ქუდს ჯეკი ფინალურ სცენაში.