ბისკვიტის ინგრედიენტები:
რძე - ¼ ჭიქა,
ზეთი - 2 ს/კ.
ფქვილი - 100 გრ.
სახამებელი - 40 გრ.
სოდა ან გამაფხვიერებელი - 1 ჩ/კ.
შაქარი - 2/3 ჭიქა,
მარილი - ¼ ჩ/კ.
კვერცხი - 3 ცალი,
ღუმელი 190 გრადუსზე გააცხელეთ. თუნუქის ფურცელზე საკონდიტრო ქაღალდი დააფინეთ და ცოტაოდენი ცხიმი წაუსვით.
პატარა ქვაბში რძე და ზეთი თითქმის ადუღებამდე მიიყვანეთ.
კვერცხი და შაქარი მიქსერით, დაახლოებით, 10 წუთი თქვიფეთ, სანამ მოცულობაში სამჯერ არ მოიმატებს.
ფქვილი, მარილი, გამაფხვიერებელი და სახამებელი გაცერით და ათქვეფილ კვერცხს ფრთხილად, ხის კოვზით შეურიეთ.
ცომის რამდენიმე კოვზი გაცხელებულ რძესა და ზეთში შეურიეთ, შემდეგ ეს მასა ძირითად ცომში დააბრუნეთ და ფრთხილად აურიეთ.
ცომი ცხიმწასმულ საკონდიტრო ქაღალდზე დაასხით და, დაახლოებით, 10-15 წუთის. განმავლობაში აცხვეთ. მზა ბისკვიტი ოქროსფერი უნდა იყოს.
გამომცხვარ ფენას ქაღალდი მოაცილეთ, გააცივეთ და ნებისმიერი, თქვენთვის სასურველი გულსართი წაუსვით. შეგიძლიათ, კრემიც გამოიყენოთ. შემდეგ დაახვიეთ და სურვილისამებრ გააფორმეთ. გემრიელად მიირთვით.
შენიშვნა: ჭიქა, რომლითაც ინგრედიენტებს არწყავთ, 250 მლ-იანი უნდა იყოს.