ტორტის მოსამზადებლად დაგჭირდებათ:
შავი შოკოლადი - 80 გრ.
სიმინდის ბურბუშელა - 50 გრ.
წითელი ან თეთრი ჟელატინი - 8 ფურცელი (დაფქული ჟელატინიც დასაშვებია)
ქლიავი - ნახ. კგ.
თხელი თაფლი - 4 ს/კ.
წითელი ყურძნის წვენი - 200 მლ.
უცხიმო ხაჭო - 250 გრ.
1,5%-იანი იოგურტი - 100 გრ.
როზმარინი - 1 ტოტი,
მომზადების წესი:
1. შოკოლადი დატეხეთ, ჯამში ჩაყარეთ და დაბალ ცეცხლზე ან მიკროტალღურ ღუმელში გაადნეთ.
2. სიმინდის ბურბუშელა მსუბუქად დაფშვენით, შოკოლადში ჩაყარეთ და კარგად მოურიეთ. გაითვალისწინეთ, რომ შოკოლადმა ბურბუშელა მთლიანად უნდა დაფაროს.
3. დაახლოებით 18 სმ. დიამეტრის მქონე ფორმაში ჩააფინეთ საცხობი ქაღალდი. გადაიტანეთ შოკოლადიანი ბურბუშელა, კარგად გაასწორეთ და დატოვეთ, სანამ შოკოლადი მთლიანად არ გამაგრდება.
4. დაალბეთ ჟელატინი ცივ წყალში.
5. კარგად გარეცხილი და გამშრალი ქლიავი კურკისგან გაასუფთავეთ და დაჭერით. გარეცხეთ და გააშრეთ როზმარინიც. დაჭრილი ქლიავი და როზმარინი მოათავსეთ ქვაბში, დაასხით თაფლი და ყურძნის წვენი. დაადგით დაბალ ცეცხლზე და ადუღეთ, სანამ ქლიავის ნაჭრები არ დარბილდება. ამის შემდეგ გადმოდგით ცეცხლიდან, როზმარინის ტოტი მოაცილეთ და გააგრილეთ.
6. დამბალი ჟელატინი კარგად გაწურეთ და ჯერ კიდევ თბილ ქლიავს დაუმატეთ. მოურიეთ, სანამ ჟელატინი მთლიანად არ გაიხსნება. ამის შემდეგ მიქსერით ათქვიფეთ და ოთახის ტემპერატურაზე გააგრილეთ.
7. ხაჭო და იოგურტი ერთად ათქვიფეთ. დაუმატეთ ქლიავის პიურეს 2/3, დაატკბეთ გემოვნებით და კარგად მოურიეთ.
8. შოკოლადისა და ბურბუშელას ფენას ჯერ ხაჭოიანი მასა დაასხით და შემდეგ ქლიავის პიურე.
9. ქლიავის ტორტი 4 საათით მაცივარში შედგით. შემდეგ გამოიღეთ, ფორმას გვერდები მოხსენით და საკუთარი გემოვნებით გააფორმეთ.
გემრიელად მიირთვით!