საჭირო პროდუქტები:
ზეითუნის ზეთი - 2 ს.კ;
ხახვი - 1 ცალი;
ნიორი - 4 კბილი;
ხორცის ფარში - 450 გრ;
ისპანახი - 140 გრ;
წითელი ბულგარული - 2 ცალი;
პომიდორი - 800 გრ;
ტომატის სოუსი - 1 ჭიქა;
ლაზანიას ფირფიტა - 10 ცალი;
წყალი - ¼ ჭიქა;
ხაჭო (რიკოტა) - 1/3 ჭიქა;
გახეხილი პარმეზანი 1/3 ჭიქა;
გახეხილი მოცარელა - 1 ჭიქა;
მწვანილები - გემოვნებით.
მომზადების წესი:
პომიდორს კანი გააცალეთ და დაჭერით ან გახეხეთ წვრილად, შემდეგ კი წყალი დაასხით (100-150 გრ);
ზეთიან ტაფაზე მოთუშეთ წვრილად დაჭრილი ხახვი, დაამატეთ დაჭყლეტილი ნიორი და წვრილად დაჭრილი წითელი ბულგარული წიწაკა. როგორც კი ხახვი ოქროსფერს მიიღებს, დაამატეთ ფარში და სანამ მოითუშება, მუდმივად ურიეთ;
როდესაც ფარში მოითუშება, ტაფაზე გადააფინეთ ლაზანიის 2 ცალი ფირფიტა. დაასხით ზედ ტომატის სოუსი და დაჭრილი პომიდორი. ტაფას თავსახური დაახურეთ და დატოვეთ საშუალო ცეცხლზე 20 წუთით.
გაზქურა გამორთეთ და ამის შემდეგ დააყარეთ კერძს გახეხილი ყველი და ხაჭო, ოღონდ არ მოურიოთ. ტაფას თავსახური დაახურეთ და დაელოდეთ ყველისა და ხაჭოს გადნობას.
სულ ეს არის.
შენიშვნა:
ლაზანიას მზა ფირფიტები შეგიძლიათ სუპერმარკეტებში შეიძინოთ, რათა მის მოსამზადებლად დრო არ დაკარგოთ;
მარილის დამატებას მოერიდეთ, რადგან ყველი მარილიანია და კერძი არ გადამლაშდეს;
ლაზანიას მოსამზადებლად, ძირითადად, ინდაურის ფარშს იყენებენ, მაგრამ შეგიძლიათ, ძროხის ან ღორის ფარში გამოიყენოთ.
თეფშზე გადმოღებულ კერძს, სურვილისამებრ, შეგიძლიათ წვრილად დაჭრილი მწვანილი მოაყაროთ.
მოსამზადებლად ნახევარი საათი საკმარისია.
გემრიელად მიირთვით!