წვნიანის მოსამზადებლად დაგჭირდებათ:
კარტოფილი 5-6 ცალი;
ხახვი - 2 ცალი;
სტაფილო - 2 ცალი;
ქათმის ფილე - 400 გრ;
ბრინჯი - 150 გრ;
მდნარი ყველი - 250 გრ;
მარილი, პილპილი - გემოვნებით;
ოხრახუში ან კამა - გემოვნებით.
მომზადების წესი:
ქათმის ფილე გარეცხეთ და დადგით მოსახარშად. როგორც კი წყალი ადუღდება, გადაუწურეთ, კვლავ ადუღებული წყალი დაასხით და განაგრძეთ ხარშვა.
ხახვი წვრილად დაკეპეთ, სტაფილო გახეხეთ, კარტოფილი კი კუბიკებად დაჭერით.
როგორც კი ფილე მოიხარშება, წყლიდან ამოიღეთ, გააციეთ და დაჭერით.
ქვაბში დარჩენილ ბულიონში ჩაყარეთ ხახვი, სტაფილო, კარტოფილი და გარეცხილი ბრინჯი.
განაგრძეთ ხარშვა, სანამ კარტოფილი არ მოიხარშება.
შემდეგ კი ჩააყარეთ დაჭრილი ქათმის ფილე. რამდენიმე წუთში დაამატეთ მდნარი ყველი, ხოლო სულ ბოლოს -მწვანილები, მარილი და პილპილი.
შენიშვნა:
შავი პილპილის ნაცვლად შეგიძლიათ, თეთრი პილპილი გამოიყენოთ, რათა კერძი შავმა წერტილებმა არ დააუშნოოს;
შეგიძლიათ, სურვილისამებრ, 50 გრამი ნაღებიც დაამატოთ.
