მასალა ერთი ულუფისთვის:
მოხარშული ბრინჯი - 250 გრ
ქამა სოკო - 150 გრ
სტაფილო - 50 გრ
წითელი ბულგალური წიწაკა - 120 გრ
თეთრი ხახვი - 100 გრ
ფქვილი - 12-13 ს/კ
სალათის ფოთლები - 4-5- ცალი
ნიორი - 3 კბილი
საფანელი (შეგვიძლია მასში სეზამის მარცვლებიც ჩავყაროთ)
შაქარი - ნახევარი ჩ/კ
ძმარი - 20 გრ
მზესუნზირის ზეთი - 100 გრ
სოიოს სოუსი - 100 გრ
ზეითუნის ზეთი - 10 გრ
ქინძი, ოხრახუში - 10-10 გრ
უცხო სუნელი, ხმელი ქინძი, მარილი, შავი პილპილი - გემოვნებით.
მომზადების წესი:
კატლეტები ბრინჯისგან:
ბრინჯი ჩვეულებრივი წესით მოვხარშოთ.
ხახვი - წვრილად, ქამა სოკო კი ჩვეულებრივ თხელ ნაჭრებად დავჭრათ.
შემდეგ, 50 გრ ბულგარულ წიწაკას და მთლიან სტაფილოს ვჭრით პატარა კუბიკებად და 50 გრამ დაჭრილი ხახვთან ერთად ვთუშავთ საშუალო ცეცხლზე შემოდგმულ ზეთმოსხმულ ტაფაზე. მოთუშვამდე ცოტა ხნით ადრე ვაყრით, დაახლოებით, 10 სუფრის კოვზ ფქვილს და სულ ვურევთ, რომ არ მიიწვას. ვუმატებთ ცოტა მარილს, პილპილს, 20 გრ სოიოს ზეთს, ცოტა უცხო სუნელს და ხმელ ქინძს. ცოტა ხანი კიდევ ვურევთ.
მოთუშვის შემდეგ აღნიშნული მასალა მოზრდილ თასში გადმოგვაქვს და ვაციებთ.
მოთუშული სოკო:
ზეთდასხმულ ტაფაზე ვყრით დაჭრილ ქამა სოკოს, 2 სუფრის კოვზ ხახვს, მარილს, პილპილს და 7-8 წუთი ვთუშავთ.
ამასობაში წვრილად ვჭრით ქინძს, ოხრახუშს, ნიორს.
ამ ყველაფერს ვაყრით მოთუშულ სოკოზე და ვურევთ 1 წუთის განმავლობაში.
შემდეგ თეფშზე გადმოგვაქვს და ვაციებთ.
გაციებულ სოკოს სალათის ფოთლებში ვახვევთ და მოზრდილ თეფშზე ვალაგებთ.
კატლეტის გაციებულ მასალას ვაყრით 2-3 სურის კოვზ ფქვილს (არასამარხვო დღეებში შეგიძლიათ, კვერცხიც გაუკეთოთ) და კარგად ვურევთ, რათა შეიკრას.
ამ მასისგან ვაკეთებთ პატარა გუნდებს, ვავლებთ საფანელში, ვდებთ ზეთდასხმულ ტაფაზე და ორივე მხრიდან კარგად ვწვავთ.
შემწვარ კატლეტებს სალათის ფოთოლში გახვეული სოკოს გვერდით ვაწყობთ.
სოუსი:
წვრილად ვჭრით დარჩენილ ბულგარულ წიწაკას, ვყრით ბლენდერში, ვასხამთ ცოტა ზეითუნის ზეთს, მარილს, შაქარს, ძმარს და ვაბლენდერებთ.
გამზადებულ სოუსს შემწვარ კატლეტებს და სალათის ფოთლებში გახვეულ სოკოს ზემოდან ვასხამთ.
შენიშვნა:
კერძის მომზადებას დაახლოებით, 30 წუთი დასჭირდება.
კერძის გასაფორმებლად შეგიძლიათ, თქვენს ფანტაზიას მიმართოთ.
გემრიელად მიირთვით!..