ქათმის ფილე სოკოთი და სულგუნით

მასალა ორი ულუფისთვის

ქამა სოკო - 500 გრ
ქათმის ფილე - 200 გრ
სულგუნი - 200 გრ
ნაღები - 150 გრ
კარაქი - 50 გრ
მზესუმზირის ზეთი - 50 გრ
სოიოს სოუსი - 30 გრ
ცოტა ტარხუნა და მწვანე ხახვი.
თეთრი პილპილი, მშრალი ნიორი, მარილი გემოვნებით.

მომზადების წესი:
ქათმის ფილე დაჭერით გრძლად. მაღალ ცეცხლზე დადგით ტაფა, დაასხით ზეთი და დააყარეთ ქათმის ფილე ორიოდე წუთით, სანამ ფერი არ შეეცვლება.
ამის შემდეგ, ტაფა ცოტა ხნით ცეცხლიდან აიღეთ, გვერდზე დადგით, რათა ფილე არ დაიწვას.
ამასობაში სოკო მსხვილად დაჭერით.
შემდეგ ისევ ტაფა დადგით ცეცხლზე, დააყარეთ სოკო და კარგად აურიეთ.
სანამ მოითუშება (მოთუშვას, დაახლოებით, 10 წუთი დასჭირდება), სულგუნი დაჭერით კუბიკებად.
მოთუშულ კერძს ტაფაში დამატეთ კარაქი და კარგად აურიეთ.
შემდეგ დაამატეთ თეთრი პილპილი, მშრალი ნიორი, სოიოს სოუსი, ნაღები, სულგუნი და დაბალ ცეცხლზე მოთუშეთ, დაახლოებით, 10 წუთი.
მოთუშულ კერძს დააყარეთ წვრილად დაჭრილი ტარხუნა და მწვანე ხახვი, მარილი გემოვნებით და 2 წუთის შემდეგ კერძი მზადაა.

შენიშვნა:
კერძის მომზადებას, დაახლოებით, 25 წუთი დასჭირდება.
მას ძალიან უხდება თეთრი, მშრალი ღვინო.
კერძი, საშუალოდ, 10. 70 ლარი დაგიჯდებათ.

გემრიელად მიირთვით!