მეგობრის ძმა. მიუხედავად იმისა, რომ მას კარგად არც კი იცნობენ, სკოლის ასაკში გოგონების უმრავლესობას ნებისმიერი სიმპათიური ბიჭი უყვარდება, განსაკუთრებით მაშინ, თუ ეს სიმპათიური ბიჭი მეგობრის ძმაა და მასთან ურთიერთობის საშუალება აქვს.
გამოგონილი პერსონაჟი. არ აქვს მნიშვნელობა, ფილმიდან, წიგნიდან, მულტფილმიდან თუ კომიქსიდან, მთავარია ის, რომ ეს პერსონაჟი იყო იდეალური, ის არ ჰგავდა რეალურ პიროვნებებს…
ბიჭი, რომელიც იმ ბარში მუშაობს, სადაც ძალიან ხშირად დადიხართ. რასაც არ უნდა აკეთებდეს ის, შენ მას თითქმის ყოველდღე ხედავ და ამის გამო შენ რაღაც გრძნობები გიჩნდება, მაგრამ მასთან გამოლაპარაკებას მაინც ვერ ბედავ.
ბიჭი, რომელიც არ შეგეფერებათ. ის პანკია, შენ კი - ბალერინა.
შეყვარებულის მეგობარი. თქვენ იცავთ ღირსების კოდექსს და ამის შესახებ არავის არაფერს ეუბნებით, ხანდახან ნანობთ თქვენი არჩევანის შესახებ, მაგრამ რომ არა დღევანდელი თქვენი შეყვარებული, ალბათ, ვერც მას გაიცნობდით…
მეგობრის შეყვარებული. კიდევ ერთი გამოცდა. შეიძლება თქვენ ის იმიტომ კი არ მოგწონთ, რომ ძალიან მიმზიდველია, არამედ იმიტომ, რომ თქვენი მეგობარი მის შესახებ ბევრ, ძალიან ინტიმურ დეტალს გიყვებათ.
გარე ნათესავი. ალბათ, გაწუხებთ ის ფაქტი, რომ ნათესავები ხართ, მაგრამ მშვიდდებით, როდესაც გახსენდებათ, რომ ის შორეული ნათესავია…
„სოლიდური ბიძა“. ის არის თქვენზე უფროსი, გამოცდილი. ის შეიძლება იყოს თქვენი უფროსი, ლექტორი ან სხვა ადამიანი, რომელსაც თქვენ პატივს სცემთ. თქვენ ხშირად ფიქრობთ მასზე…
ის, უბრალოდ, არ არის შენი ბედი. როდესაც თავისუფალი ხართ, მას ჰყავს ვინმე და პირიქით. მაშინ კი, როდესაც ორივე თავისუფლები ხართ, ის ან შენ საზღვარგარეთ მიფრინავთ - სამუდამოდ…
უცხოელი. მას შვებულების დროს ან საზაფხულო დასვენების დროს შეხვდით, ანდაც ის, უბრალოდ, შენს ქალაქში ჩამოვიდა. თქვენ არ გყოფნით დრო ერთმანეთის უკეთ გასაცნობად…
ის, ვინც არასდროს შეგიყვარებთ. თქვენ შესანიშნავი ხართ, მაგრამ მას სულ სხვა ტიპის გოგოები მოსწონს. ცდილობთ, შეიცვალოთ, მაგრამ არაფერი გამოგდით.
უბრალოდ, სხვა. არასდროს გიფიქრია მასზე სხვანაირად, მაგრამ ერთხელაც…
ბიჭი, რომელიც მხოლოდ ერთხელ დაინახეთ, მაგრამ ვერ ივიწყებთ. და, ალბათ, მომავალშიც ვერასდროს შეხვდებით, მაგრამ მაინც გამუდმებით მასზე და თქვენს მომავალზე ფიქრობთ…
