გიორგი შარაშიძე, რადიო NRJ საქართველოს დამფუძნებელი:
„მოლაპარაკებები NRJ-ის ცენტრალურ ოფისთან, რომელიც პარიზში მდებარეობს, ერთი წლის მანძილზე მიმდინარეობდა. ისეთი დიდი ბაზრების შემდეგ, როგორიცაა საფრანგეთი, დასავლეთ ევროპის ქვეყნები და რუსეთი, მათთვის საქართველოში შემოსვლა თავდაპირველად არ იყო მიმზიდველი, თუმცა მოლაპარაკებების პროცესში დავარწმუნეთ, რომ საქართველოს ბაზარი, მიუხედავად სიმცირისა, მზარდია და საინტერესო. საბოლოოდ, ხელი მოვაწერეთ ექსკლუზიურ სალიცენზიო ხელშეკრულებას ხუთწლიანი ვადით... ევროპული სტანდარტის რადიოს მაუწყებლობა ხელს შეუწყობს საქართველოში რადიობიზნესის განვითარებას. რადიო NRJ ეფექტური პლატფორმა იქნება როგორც ქართული, ისე მსოფლიო ბრენდების რეკლამირებისთვის. ტრადიციული რადიომაუწყებლობის გარდა, რადიო NRJ მსმენელს შეთავაზებს უპრეცედენტოდ აქტიურ მხარდაჭერას სოციალურ მედიაში. განსაკუთრებით მრავალფეროვანი იქნება ვიდეო ქონთენთი.“
რადიო NRJ თავის სეგმენტში (მუსიკა: უახლესი ჰიტები, აუდიტორია: 20-40), ყველაზე პოპულარული რადიოსადგურია საფრანგეთში, რომელიც მსოფლიოს 14 ქვეყანაში მაუწყებლობს - საფრანგეთი, გერმანია, ავსტრია, ბელგია, შვეიცარია, ფინეთი, ნორვეგია, შვედეთი, რუსეთი, ბულგარეთი, ლიბანი, მაროკო და ახლა უკვე – საქართველო!
რადიო NRJ-ის თბილისის სტუდია მდებარეობს დოლიძის ქუჩა #2-ში „რადიო კაფეში“, სადაც ერთ სივრცეში განთავსებულია რადიო და კაფე, რომლის სტუმრებს საშუალება ექნებათ, გამჭვირვალე სტუდიაში თვალი ადევნონ პირდაპირ ეთერს და მაყურებლის რანგში დაესწრონ რადიოშოუებს.
რადიო NRJ-ის მოსმენა შესაძლებელი იქნება ტალღაზე FM 104.7 თბილისში, თბილისის შემოგარენსა და გუდაურში.
რადიო NRJ-ის საზოგადოებასთან ურთიერთობის მენეჯერი სუხიშვილების ნაციონალური ბალეტის ყოფილი მოცეკვავე თეა დარჩიაა, რომელიც ასევე წაიყვანს საავტორო გადაცემას ღამის ეთერში.
რადიოს წამყვანებს მენეჯმენტი კონკურსის წესით შეარჩევს.
რადიო NRJ-ის ფეისბუქგვერდის მისამართია - facebook.com/NRJGeorgia
