ბოსტონის უნივერსიტეტის მეცნიერების თქმით, მათი კვლევის შედეგი შაქრის მოხმარებასა და თავის ტვინის ატროფიის პირდაპირ კავშირზე მიანიშნებს. ტკბილი სასმელების მიღება, ასევე, თავის ტვინის მოცულობას ამცირებს.
თუმცა, ეს არ ნიშნავს, რომ მუდმივად დიეტური სასმელები უნდა მივიღოთ, რადგან ამავე კვლევით დადგინდა, რომ რეგულარულად დიეტური სასმელების მიღება ადამიანებში იშემიური ინსულტისა და ალცჰეიმერის დაავადების წარმოქმნის რისკს ზრდის.
ცნობილია, რომ დიეტურ უალკოჰოლო სასმელებს ხშირად არეკლამებენ, როგორც ჩვეულებრივი სოდის ჯანსაღ ალტერნატივას, მაგრამ ისევე როგორც შაქარი, ხელოვნური დამატკბობლებიც კარდიოლოგიური დაავადებების წარმოქმნის რისკს ზრდის. ამიტომ, მეცნიერების რჩევით, გაზიანი და ტკბილი სასმელების მიღება მაქსიმალურად უნდა შევზღუდოთ.
