მონარქს ესაჭიროება თანამშრომელი, რომელიც მის უდიდებულესობას მაზოლებისგან დაიცავს. ყოველ ჯერზე, როგორც კი დედოფალი ახალი ფეხსაცმლის ჩაცმას დააპირებს, „კონკია“ ვალდებულია, ამ ფეხსაცმლით დარბაზში იაროს, სანამ ფეხსაცმელი საკმარისად არ დარბილდება.
უნდა აღინიშნოს, რომ დედოფლის ფეხის ზომაა 36. ბუკინგემის სასახლის მოთხოვნაა, მომავალმა „კონკიამ“ ნებისმიერი ფორმის ფეხსაცმლის ტარება შეძლოს, როგორც დაბალ, ასევე მაღალ ქუსლზე. მაგრამ ყველაზე მთავარი - მომავალი თანამშრომელი განსაკუთრებით უნდა ზრუნავდეს საკუთარი ფეხის ჰიგიენაზე.
ხელფასის ზუსტი რაოდენობა ჯერჯერობით დაუდგენელია. ფეხსაცმელი, რომელსაც ახალი თანამშრომელი ატარებს, ექსკლუზიური, ძვირი, ხელით ნამუშევარი და სპეციალურად დედოფლისთვის შეკერილი იქნება.