ჭკუის კოლოფი
ამ ტიპის ადამიანები ემხრობიან პრინციპს „ნუ იმუშავებ ჯიუტად - იმუშავე გონივრულად“. პრობლემის გადასაჭრელად ისინი ყოველთვის იგონებენ მარტივ და სწრაფ გამოსავალს. მას შემდეგ, რაც თავის ვალდებულებას შეასრულებს, ის, უბრალოდ, უსაქმურობს ან ინტერნეტში „დაძვრება“.
შრომისმოყვარე
ისინი უფროსების საყვარელი თანამშრომლები არიან. სამუშაო საათებში მთელი მონდომებით შრომობენ, უფროსობის ნებისმიერ დავალებაზე ხმამაღლა აცხადებენ „დიახ!“ ისინი სამსახურში ყველაზე ადრე მიდიან და ყველაზე ბოლოს გადიან. მათი შემხედვარე ბევრს უჩნდება კითხვა: „როდის სძინავთ?“
ზარმაცები
ისინი ყოველდღე აგვიანებენ, სულ ცოტა, ნახევარი საათით და ყოველთვის მომზადებული აქვთ მნიშვნელოვანი მიზეზი. წასვლის დრო რომ ახლოვდება, ყველაზე პირველები იწყებენ მზადებას და დაუსრულებელ საქმეებს შუა გზაზე ტოვებენ.
ის, ვისთვისაც ყველაფერი სულერთია
ეს ადამიანები ვერ იტანენ მუშაობას! ისინი თავიანთ გონიერებას იმაში იყენებენ, რომ გაექცნენ დაგროვილ საქმეებს ან კოლეგებს გადააბარონ.
დამხმარე
ამ ტიპის ადამიანი, ალბათ, ყველასთვის საყვარელი თანამშრომელია. ის ყოველთვის მზად არის კოლეგების დასახმარებლად, არ აქვს მნიშვნელობა, რამდენად დაკავებულია თავად.
ის, ვინც ყოველთვის ავადმყოფობს
ისინი ყოველთვის ავად არიან! კოლეგები უკვე აღარ ინტერესდებიან, რატომ არ არის ის ოფისში, პასუხი ისედაც იციან.
ის, ვინც ყველაზე ადრე გადის ოფისიდან
მას ყოველთვის აქვს მიზეზი ოფისიდან დროზე ადრე გასასვლელად. მისი თავხედობა აღიზიანებს არა მხოლოდ მენეჯერს, არამედ სხვა თანამშრომლებსაც.
წვეულებების მოყვარული
ამ ტიპის თანამშრომლები ორად იყოფიან: ისინი, ვინც დასვენების დღეებში ერთობიან და ისინი, ვისაც ერთი სული აქვთ, როდის მოვა დასვენების დღეები, რათა გასართობად წავიდნენ. ამ ტიპის ადამიანები ყოველთვის ცდილობენ მიზეზის პოვნას კორპორაციული საღამოს მოსაწყობად ან სამსახურის შემდეგ ნებისმიერი ტიპის ბარში გასართობად.
ის, ვინც ყოველთვის რაღაცას ჭამს
ისინი ჭამენ მთელი დღის განმავლობაში, თანაც სამუშაო მაგიდასთან. მსგავსი კოლეგისგან სჯობს, თქვენი სადილი შორს შეინახოთ.
ჩუმი გენიოსი
ეს ადამიანი პროექტების ანალიტიკური ცენტრია. ის სულ ჩუმად არის და ცდილობს, ყურადღება არ მიიქციოს. მაგრამ მისმა გარეგნობამ შეცდომაში არ შეგიყვანოთ, მას შეუძლია, ახალი იდეების გენერატორად იქცეს და ნებისმიერ სიტუაციაში საუკეთესო გამოსავალი მოძებნოს.
რა თვისებებიც არ უნდა ახასიათებდეთ თქვენს კოლეგებს, არ დაგავიწყდეთ, რომ თქვენ ერთი გუნდი ხართ და კარგ შედეგს მხოლოდ ერთმანეთის დაფასებით მიაღწევთ.