რა გვექნება სადილად ათწლეულების შემდეგ? (6 ფოტო)

სოკო 3D პრინტერისგან.

კარკასი თესლებით, სპორებითა და საფუარით 3D პრინტერის დახმარებით იბეჭდება. 5 დღის განმავლობაში სოკო და მწვანილები იზრდება, „კერძს“ გემო და სურნელი უჩნდება. ამგვარი საკვები ბევრ პრობლემას წყვეტს, მაგრამ ჯერჯერობით დიზაინი, სახელწოდებით Edible Growth, მხოლოდ პროექტის სახით არსებობს.

პლასტიკური პროდუქტები.

პროექტი Bioplastic Fantastic გერმანელმა ფუდ-დიზაინერმა იოჰან შმერმა მოიფიქრა, რომელიც დარწმუნებულია, რომ კაცობრიობამ კვების ალტერნატიული წყარო უნდა გამონახოს. შესაძლოა, მომავლის პროდუქტები ბიო ან ნანოტექნოლოგიის დახმარებით შეიქმნას.

წყალმცენარეები მილებით.

ლონდონელ ფუდ-დიზაინერთა წყვილის Burtonnitta-ს გამოგონება კვების შესახებ წარმოდგენას შეგიცვლით. მილებისგან შექმნილ ნიღაბში სუნთქვისას გაიზრდება წყალმცენარეები, რომლებიც შეგიძლიათ, კონსტრუქციის მოუხსნელად მიირთვათ.

მცირე ულუფები და მოზრდილი გამოსახულება.

ნიდერლანდელი მხატვარი მარიე ფოგელცანგი დარწმუნებულია: თუკი საკვები ხელოვნური საშუალებების დახმარებით ვიზუალურად გაიზრდება, ადამიანი მოტყუვდება და მცირე ულუფებითაც დანაყრდება.

ვირტუალური რეალობა მარტოხელა ქათმებისთვის.

ამერიკელმა გამომგონებელმა ოსტინ სტიუარტმა მოიფიქრა, როგორ გაართოს მარტოხელა ქათამი, რათა მან უფრო მეტი კვერცხი დადოს. ამგვარი სათვალის დახმარებით ქათამს ექნება შეგრძნება, რომ ის საქათმეშია.

ცხოველი ძრავით.

ტაივანელი დიზაინერი პოლ გონგი კიდევ უფრო მეტს გვთავაზობს - ენერგეტიკული პრობლემის გადაწყვეტას ძროხის სხეულში პატარა ტურბინის „დამონტაჟებას“. გონგი დარწმუნებულია, რომ ცხოველის სისხლის მიმოქცევის ხარჯზე ელექტროენერგია წარმოიქმნება.