სამუშაო შეხვედრაზე ადგილობრივებს შესაძლებლობა ჰქონდათ, სკვერის მოწყობის კონცეფციის შესახებ მოწვეულ აქიტექტორთან და გამგეობის შესაბამისი სამსახურის სპეციალისტებთან ერთად ემსჯელათ, გაეთვალათ რისკები და მიეღოთ კომპეტენტური რჩევები.
აღსანიშნავია, რომ სოფელში გასართობ–შემეცნებითი სკვერის მოწყობის იდეა, პროექტ „სამოქალაქო ბიუჯეტის“ ფარგლებში გამარჯვებულ 51 საპროექტო იდეას შორის, ერთ–ერთ საუკეთესოდ დასახლედა, რომელიც წარმოადგინა ადგილობრივმა მცხოვრებმა გიორგი მუმლაძემ.
აღნიშნული პროექტი პოლონელმა ექსპერტებმა გამგეობასთან ერთად შეარჩიეს საპილოტედ, რაც გულისხმობს სკვერის დაპროექტება/დაგეგმარებას მოქალაქეებისა და პროექტის ავოტრების ჩართულობით, პოლონელ და ქართველ არქიტექტორებთან ერთად.
სკვერის დაპროექტებასთან დაკავშირებული სამუშაო შეხვედრები ხვალ, 16 ივნისს დასრულდება, 17 ივნისს კი ადგილობრივი მოსახლეობისთვის მოეწყობა შემაჯამებელი შეხვედრა, სადაც წარმოდგენილი იქნება სამუშაო ჯგუფის შედეგი და სკვერის კეთილმოწყობის საბოლოო გეგმა.
აღსანიშნავია, რომ პოლონელი და ქართველი არქიტექტორის ერთობლივი ნამუშევარი, მოქალაქეთა ინტერესების გათვალისწინებით დაპროექტებული სკვერი, მუნიციპალიტეტს საჩუქრად გადმოეცემა.
პროექტი საქართველოში ხორციელდება ფონდ „სხვა სივრცეს“ ინიციატივით „ბიუჯეტების განვითარება მონაწილეობის საფუძველზე, როგორც ადგილობრივი თვითმმართველობის გაძლიერების ელემენტი“ პროექტის ფარგლებში, რომელიც დაფინანსებულია სოლიდარობის ფონდის მიერ პოლონეთის საგარეო საქმეთა სამინისტროს ფინანსური მხარდაჭერით, პროგრამის ფარგლებში „დემოკრატიის მხარდაჭერა“ .
აღსანიშნავია, რომ ფონდი „სხვა სივრცე“ წელსაც აგრძელებს სამოქალაქო ბიუჯეტის პრაქტიკის დანერგვას საქართველოს სხვადასხვა რეგიონში. ახალი პროექტი, სახელწოდებით „ბიუჯეტების განვითარება მონაწილეობის საფუძველზე, როგორც ადგილობრივი თვითმმართველობის გაძლიერების ელემენტი“, ითვლისწინებს შემდეგ ოთხ მოდულს:
1. ექსპერტთა საბჭოს შექმნა;
2. პრაქტიკოსების და დამოუკიდებელი ტრენერების გადამზადებას;
3. ადგილობრივი თვითმმართველობის მხარდაჭერა, „საქმოქალაქო ბიჯეტის“ განხორციელბაში, ამ მოდულით პოლონელი ექსპერტები მუშაობას განაგრძობენ გორსა და საჩხერეში, სადაც წელს მიმდინარეობს პროექტის დანერგვა.
4. სამოქალაქო ბიუჯეტის ფარგლებში შემოსული ერთ–ერთი გამარჯვებული პროექტის შერჩევა და სივრცით დაგეგმვა/დაპროექტება მოსახლეობის ჩართულობით და არქიტექტორების დახმარებით.
