1. ქალური და ნაზი
მამაკაცებისთვის შთაგონების წყარო ხართ. თქვენი მოკრძალებულობით, ღიმილით, წყნარი საუბრითა და კარგი მანერებით ირგვლივმყოფებს აჯადოებთ. არ გიყვართ სხვის საქმეში ცხვირის ჩაყოფა და კამათი. საოფისე სამუშაო თქვენთვის არ არის. თქვენთვის უფრო შესაფერისია ხელოვნება, პატარებთან მუშაობა და ქველმოქმედება.
2. მკაცრი და პრინციპული
არასდროს არიდებთ თავს კითხვაზე პასუხის გაცემას. საკუთარ პოზიციას ყოველთვის ბოლომდე იცავთ. ადეკვატურად აფასებთ ნებისმიერ სიტუაციას და ჯანსაღ გადაწყვეტილებებს იღებთ, ამიტომ თქვენთან მეგობრობა ძალიან კომფორტულია. მამაკაცებთან თანაბარ სიმაღლეზე გიჭირავთ თავი. არ გიყვართ საკუთარი სისუსტის ჩვენება. დამოუკიდებელი და სრულყოფილი ხართ.
3. მარტივი და კეთილი
სხვა ქალებისგან სიკეთით და გულახდილობით გამოირჩევით. შესაძლოა, ვიღაცები უბრალო ქალად მიგიჩნევენ, მაგრამ თქვენ ხომ იცით, მათთან შედარებით ღრმა და ნათელი სულის პატრონი ხართ. თქვენ ყველაზე ბრძენი ქალი ხართ. არასდროს იმახსოვრებთ წყენას და ნეგატიური ემოციებისგანაც მალე თავისუფლდებით. ამის წყალობით კი თქვენ ირგვლივ მუდამ ჰარმონია და სიმშვიდეა. საუკეთესო დიასახლისი და დედა ხართ.
4. მინიმალისტი
თქვენთვის მთავარია იდეალური წესრიგი ყველაფერში - ოთახშიც, სამსახურშიც, თავშიც. არასდროს ფლანგავთ ფულს უაზრო ნივთებზე. საკუთარ შემოსავალს იდეალურად განაგებთ. მოგზაურობა, განათლება, ჯანმრთელობა - ამაში არასდროს დაინანებთ თანხებს. ირგვლივ არასდროს გყავთ შემთხვევითი ადამიანები. ცხოვრების თანამგზავრსაც სკრუპულოზურად არჩევთ. თქვენო დევიზია „არაფერი ზედმეტი“. თქვენს გარდერობში მხოლოდ საუკეთესო ხარისხის პრაქტიკული სამოსია.
5. ავანტიურისტი
ადვილად იპყრობთ მწვერვალებს და გიყვართ თავისუფლება. ერთი და იგივე მალე გბეზრდებათ, ამიტომ გიყვართ ცვლილებები, საკუთარ თავზე ექსპერიმენტები, ბინაში ავეჯის გადაადგილება, ახალი მეგობრების გაჩენა, სამსახურის შეცვლა. კონკრეტულ მოვლენებზე წარმოდგენებიც, ასევე, მალ-მალე გეცვლებათ. ადამიანებს უჭირთ თქვენს ხასიათთან შეჩვევა, ამიტომ თქვენ გვერდით მხოლოდ ერთგული მეგობრები რჩებიან. ამის პარალელურად, თქვენ სიკეთეს ასხივებთ და მუდამ მზად ხართ გაჭირვებულის დასახმარებლად.
6. კონსერვატორი ქალი
თქვენთვის სტაბილურობა სასიცოცხლოდ აუცილებელია. თავდაჯერებული ხართ, საკუთარი შეხედულებებისა და გემოვნების ერთგული. ცვლილება და სიახლე თქვენში სტრესს იწვევს. მეგობრებმაც იციან, რომ კომფორტის ზონიდან თქვენი გამოყვანა ძალიან რთულია. გირჩევთ, თქვენს ცხოვრებაში ზოგჯერ მაინც შეუშვათ რაღაც უჩვეულო და ახალი ისეთი მიმართულებით, როგორიცაა თქვენი იმიჯი, საყოფაცხოვრებო ჩვევები, სასიყვარულო ურთიერთობა. გაიმრავალფეროვნეთ რუტინა ახალი შეგრძნებებით.
7. ბიზნესლედი
გიყვართ, როცა ყველაფერი თქვენი კონტროლის ქვეშ არის. ამიტომაც გიჭირავთ ხელმძღვანელის პოსტი და ოჯახშიც თქვენ იძლევით მითითებებს. ის ძლიერი ენერგია, რომლითაც ცხოვრების გზაზე მიაბიჯებთ, ხალხს აფრთხობს. თქვენთან ურთიერთობა ცოტა რთულია. ამიტომ ცოტა მეგობარი გყავთ და ისინიც - თქვენი მსგავსი ტიპაჟები. ყოველთვის ელეგანტურად და თანამედროვედ გაცვიათ. პირად ცხოვრებაზე არასდროს გყოფნით დრო, ამიტომ ხშირად მარტო ხართ. თქვენი სტილის ქალებს პარტნიორის მიმართ სერიოზული მოთხოვნები აქვთ, ამიტომ სიყვარულს უკვე მოწიფულ ასაკში პოულობენ.