თვალის ფერი და ადამიანის ხასიათი - მთავარი მინიშნებები

შავი - შავი ფერის თვალები საკმაოდ იშვიათია. მათი პატრონი იდუმალებით არის მოცული. მას შეუძლია, საგულდაგულოდ შეინახოს როგორც საკუთარი, ასევე სხვისი საიდუმლოებები. ნებისმიერ საქმეს სერიოზულად უდგება. მისი ნდობის მოპოვება რთულია. ამასთანავე, მიზანსწრაფულობისა და შრომისმოყვარეობის წყალობით, საუკეთესო ლიდერია. 

ყავისფერი - ასეთი თვალების პატრონი საკუთარ თავში დარწმუნებული პიროვნებაა. უყვარს ახალი ურთიერთობები, ძალიან აფასებს დამოუკიდებლობას. რომანტიკული და მზრუნველი ხასიათის გამო საუკეთესო საყვარელია. აქვს კარგი იუმორის გრძნობა, უყვარს გარისკვა და არ ეშინია სიახლეების. ფული მის ცხოვრებაში პირველ ადგილზეა, თუმცა მას შეიძლება, თამამად ენდოთ და ყოველთვის გქონდეთ მისი თანადგომის იმედი. 

თაფლისფერი - ასეთი თვალების მქონე ადამიანის გამორჩეული მხარე ელეგანტურობაა. იგი მამაცია, მტკიცე ხასიათით. სპონტანურად იღებს გადაწყვეტილებებს. რუტინა მალე სწყინდება. ადვილად უმკლავდება ისეთ სიტუაციებს, რომლებიც სხვებისთვის პრობლემას წარმოადგენს. ის მომთმენი და საკუთარ თავში დარწმუნებული პიროვნებაა.

ცისფერი - ასეთი თვალების პატრონი კეთილი, მშვიდობისმოყვარე და გულწრფელია. ისინი, ძირითადად, ექსტრავერტები არიან და შეუძლიათ, სხვების დასახმარებლად საკუთარ ინტერესებზე თქვან უარი. მათი ენერგია ამოუწურავია, ოპტიმიზმი კი - გადამდები.

ნაცრისფერი - მათი მთავარი თვისება სინაზე, სიბრძნე და ვნებაა. ისინი ხშირად ხელოვანი ადამიანები არიან, ფანტაზიის ბრწყინვალე უნარით. ამასთანავე, მათ ანალიტიკური აზროვნებაც კარგად აქვთ განვითარებული და ამის წყალობით საუკეთესო ხელმძღვანელები ხდებიან. 

მწვანე - ეს ადამიანები, ერთდროულად, იდუმალებით, ცნობისმოყვარეობითა და მაღალი ინტელექტით გამოირჩევიან. უყვართ აქტიური ცხოვრება. ადვილად პოულობენ გამოსავალს ნებისმიერი სიტუაციიდან. როგორც წესი, ეჭვიანი, თუმცა საოცრად ქარიზმატული პიროვნებები არიან.