SPAR საქართველო საკუთარი წარმოების ხაზს აფართოებს

ამჟამად ქართულ სპარში, სპარის გლობალური ქსელიდან, დაახლოებით, 350-მდე ბესთსელერი სპარის პროდუქტია წარმოდგენილი და როგორც „სპარ საქართველოს“ მენეჯმენტში განმარტავენ, ეს მხოლოდ დასაწყისია. აღსანიშნავია, რომ საქართველოში სპარი, აგრეთვე, ხელს უწყობს მცირე ბიზნესის განვითარებას და თავის ქსელში წარმოდგენილ ქართული პროდუქტების მცირე მეწარმე მომწოდებლებს საკუთარი ბრენდის წარმოების ხაზის საერთაშორისო გამოცდილებასა და დაგროვილ მრავალწლიან ცოდნას უზიარებს.

„სპარის მიერ წარმოებული პროდუქცია გათვლილია ყველა საფასო სეგმენტის მომხმარებელზე. ჩვენ ვართ უბნის ტიპის მაღაზიათა ქსელი, რომელიც თანამედროვე, კომფორტზე ორიენტირებულ მომხმარებელს სახლთან ახლოს  ყოველდღიური შოპინგის განსხვავებულ გამოცდილებას სთავაზობს,“ - აცხადებენ სპარის მენეჯმენტში.

ფუნთუშეულობა, პური, სალათები, ფრი, ცივი და ცხელი კერძები, ნამცხვრები, ტორტები, ყავა, ჩაი, მაკარონი, შოკოლადი და სხვა 350-მდე ევროპაში ყველაზე კარგად გაყიდვადი სპარის პროდუქტი დღეს უკვე საქართველოშიც არის ხელმისაწვდომი. სპარის კონცეფცია განსხვავდება ბაზარზე არსებული ტიპიური უბნის ტიპის მაღაზიების ქსელისგან იმით, რომ თანამედროვე მომხმარებელს, რომელიც დროის სწორ მართვაზე და პროდუქტების ხარისხზეა ორიენტირებული, მარკეტშივე, მომხმარებლის თვალწინ დამზადებულ იტალიურ პიცას, ფრანგულ კრეპს, თონის პურს და სხვა მზა კერძს სთავაზობს. მომხმარებელს სპარის მიერ წარმოებული პროდუქტების დაგემოვნება მარკეტშივე შეუძლია სპარის სწრაფი კვების ზონაში.