ყველაზე დასამახსოვრებელი სახეები „ოსკარის“ წითელ ხალიჩაზე

15. ჯენიფერ ლოურენსი, 2013 წელი

ჯენიფერ ლოურენსის სამოსი სამოდელო სახლ Dior-ის შექმნილია.  კაბა, რომელში გამოწყობილმა მსახიობმაც „ოსკარი“ მიიღო ფილმისთვის „ჩემი შეყვარებული გიჟია“, ხელოვნების ნამდვილი შედევრია. ის კინოპრემიის ისტორიაში ყველაზე ძვირფასი კაბაა - მისი ფასი 4 მილიონ დოლარს აღწევს.
 

14. ნიკოლ კიდმანი, 1997 წელი

ნიკოლ კიდმანი ოსტატურად შერჩეული სამოსის წყალობით „ოსკარის“ ცერემონიალის მთავარი ვარსკვლავი გახდა, თუმცა 1997 წელს ის ნომინირებულიც კი არ ყოფილა „ოსკარზე“.

13. მარიონ კოტიიარი, 2008 წელი

მარიონ კოტიიარის „ქალთევზას“ კაბა ჟან-პოლ გოტიესგან ბედნიერი აღმოჩნდა, სწორედ მასში გამოწყობილმა მიიღო „ოსკარი“ ედიტ პიაფის როლის შესრულებისთვის ფილმში „ვარდისფერი ცხოვრება“.

12. ჰელი ბერი, 2002 წელი

2002 წელს ჰელი ბერიმ სანუკვარი ქანდაკება ფილმ „მონსტრების წვეულებაში“ მონაწილეობისთვის მიიღო. ამას გარდა, მან „ოსკარის“ ისტორიაში ყველაზე სექსუალური კაბითაც მოახდინა ფურორი.

11. შერი, 1986 და 1988 წლები

შერის კაბა ისეთივე ექსტრავაგანტური იყო, როგორიც თავად მომღერალია. ორივე კაბა ლეგენდარული გახდა, მაგრამ შერისთვის ბედნიერების მომტანი მაინც 1988 წელი იყო. სწორედ მაშინ მიიღო მან „ოსკარი“ ფილმისთვის „მთვარის ძალაუფლება“.
 

10. გვინეტ პელტროუ, 2012 წელი

გვინეტ პელტროუს კაბები „ოსკარების“ ცერემონიალებზე ყოველთვის საუკეთესოებს შორისაა. თეთრი კაბა ტომ ფორდისგან, რომელიც ლაკონიური სამკაულებით იყო დამშვენებული, ელეგანტურობის პიკი აღმოჩნდა.

9. მადონა, 1991 წელი

 „ოსკარის“ ცერემონიალზე მადონა მერილინ მონროს სახით წარდგა. ლუქს აგვირგვინებდა ბეწვის ბოა და ბრილიანტის სამკაულები. იმ საღამოს მადონამ ამ კაბით სიმღერა შეასრულა ფილმიდან „ბილ ტრეისი“. მელოდიამ ფილმისთვის საუკეთესო კომპოზიციის პრიზი მოიპოვა.

8. ბარბრა სტრეიზანდი, 1969 წელი

შარვლიანი კოსტიუმი, რომლითაც ბარბრა სტრეიზანდი ჯილდოს მისაღებად გამოვიდა ფილმისთვის „სასაცილო გოგონა“, „ოსკარის“ ყველა დროის გემოვნებიანი და უგემოვნებო კოსტიუმების რეიტინგში ერთდროულად შევიდა. ჯერ ერთი, ტრადიციული კაბის ნაცვლად შარვლიანი კოსტიუმით გამოვიდა და მეორეც, კოსტიუმი მთლიანად გამჭვირვალე იყო. როგორც ბარბრამ აღიარა, ის არ ელოდა, რომ სცენის განათებაში მისი სამოსი ასეთი გამჭვირვალე აღმოჩნდებოდა.

7. ჰილარი სუონკი, 2005 წელი

იმ საღამოს ჰილარი სუონკმა „ოსკარი“ კლინტ ისტვუდის ფილმისთვის „გოგონა მილიონ დოლარად“ მიიღო. გი ლაროშის მუქ-ლურჯი კაბა დახვეწილი სექსუალურობის ეტალონად მიიჩნიეს და „ოსკარის“ საუკეთესო სამოსის ათეული შეიტანეს.

6. მერილინ მონრო, 1951 წელი

მერილინ მონრო არასდროს არ ყოფილა „ოსკარის“ არც ნომინანტი და არც პრიზიორი, მაგრამ 1951 წლის ცერემონიალზე მან მაინც მიიპყრო ყველას ყურადღება. მსახიობ ქალს ჯილდო უნდა გადაეცა და ამისთვის სცენაზე შავი ტულის კაბით გამოვიდა, რომელსაც ღრმა დეკოლტე ჰქონდა.

5. ქეით ბლანშეტი, 2014 წელი

2014 წელს ქეით ბლანშეტმა „ოსკარი“ ფილმ „ჟასმინში“ როლისთვის მიიღო. მის ნახევრად გამჭვირვალე კაბას Armani-სგან უამრავი ყვავილი ამშვენებდა.

4. ელიზაბეტ ტეილორი, 1961 წელი

1961 წელს ელიზაბეტ ტეილორმა მთავარი კინოპრიზი ფილმ „ბატერფილდ 8“-ში მონაწილეობისთვის მიიღო. ცერემონიალისთვის მან სამოდელო სახლ Dior-ის ეფექტური კაბა შეარჩია.

3. ჯულია რობერტსი, 2001 წელი

ჯულია რობერტსმა 2001 წელს „ოსკარი“ ბიოგრაფიული ფილმის „ერინ ბროკოვიჩისთვის“ მიიღო. მისი ვინტაჟური ხავერდის კაბა და მდიდრული შლეიფი Valentino-სგან კრიტიკოსებმაც დააფასეს და მაყურებლებმაც.

 2. გრეის კელი, 1955 წელი

გრეის კელი ნაზი მწვანე ფერის კაბაში სტუდია Paramount-ის შტატიანი დიზაინერის ედიტ ჰედის დრაფირებით ჰოლივუდისთვის კლასიკა გახდა. სწორედ ამ კაბაში გამოწყობილმა მიიღო გრეისმა „ოსკარი“ ფილმისთვის „სოფლელი გოგონა“.
 

1. ოდრი ჰეპბერნი, 1954 წელი

ეს  კაბა მუდმივად რეიტინგის სათავეშია. სწორედ ამ კაბაში გამოწყობილმა ოდრი ჰეპბერნმა მიიღო „ოსკარი“ ფილმისთვის „რომაული არდადეგები“. ის ოდრისთვის სპეციალურად შექმნა იუბერ ჟივანშიმ, რომელიც მისი სტილის განსახიერება გახდა - ელეგანტურობა და მოხდენილობა. ამ კაბას ინგლისურენოვან ვიკიპედიაში თავისი გვერდიც კი აქვს.