კურკუმას ჩაის. კურკუმა გაღიზიანებული კუჭ-ნაწლავის სინდრომის მქონე პაციენტებში შემარბილებელ მოქმედებას ახდენს. კვლევებით დადგინდა, რომ ეს სანელებელი კუჭ-ნაწლავის დაავადებებს შველის. ერთ ჭიქა მდუღარე წყალში კურკუმას რამდენიმე ნაჭერი დაამატეთ და ცოტა ხნით გააჩერეთ. ასევე, შეიძლება ცხელ წყლიან ჭიქაში ნახევარი ჩაის კოვზი კურკუმას ექსტრაქტის დამატება და მშვენიერი დილის სასმელის დამზადება.
ალოეს ჩაი. ნუტრიენტებით მდიდარი ეს მცენარე ანტრაქინონების 12 სხვადასხვა ტიპს შეიცავს. ფენოლიანი ელემენტები სასაქმებელ ეფექტს უზრუნველყოფს. გაღიზიანებული კუჭ-ნაწლავის სინდრომისას ადამიანი ხშირად უჩივის გაუვალობას. ამ პრობლემის მოსახსნელად ეს საუკეთესო სასმელია. ამგვარი ჩაის მომზადება ძალიან ადვილია - ცხელ წყალს ალოეს რამდენიმე ნაჭერი ანდა მის ბაზაზე მომზადებული გელი უნდა დავუმატოთ.
პიტნის ჩაი. არსებობს უამრავი სამეცნიერო მტკიცებულება, რომელიც პიტნის კუჭისთვის სარგებლიანობას ადასტურებს. გაღიზიანებული კუჭ-ნაჭლავის სინდრომისთვის დამახასიათებელია შებერილობა და გაზის წარმოქმნა და სწორედ ამ შემთხვევებში შველის პიტნის ჩაი.
ფენხელის თესლისა და კურკუმას ჩაი. ინდოეთში ფენხელის თესლს ძალიან ხშირად იყენებენ საკვების მიღების შემდეგ, რათა საჭმლის მონელების პროცესს დაეხმარონ. ფენხელის თესლის ამ თვისებას მეცნიერებაც ადასტურებს. კურკუმასთან კომბინაციით ის კუჭის ტკივილსა და გაღიზიანებული კუჭ-ნაწლავის სინდრომის სხვა სიმპტომებს ასუსტებს.
ყველაფერთან ერთად, უნდა შეგახსენოთ, რომ ნებისმიერი დაავადებისას ექიმს უნდა მიმართოთ და მის რეკომენდაციებს მიჰყვეთ!
კიდევ დავამატებდით, რომ გაღიზიანებული კუჭ-ნაწლავის სინდრომი დედამიწაზე ერთ-ერთი ყველაზე უფრო გავრცელებული დაავადებაა. სტატისტიკის მიხედვით, ის ყოველ მეოთხე ადამიანს აწუხებს. მათგან მხოლოდ ყოველი მესამე აკითხავს ექიმს. ამ დაავადებას ნაწლავების ნევროზსა და გაღიზიანებული მსხვილი ნაწლავის სინდრომსაც უწოდებენ.
