1. ტომ კრუზი და ქეთი ჰოლმსი
მშვენიერი წყვილი, გაზიარებული გრძნობა, მაგრამ საქორწილო კონტრაქტში ზედმეტი ჩაკირკიტება. როგორც წესი, საქორწილო კონტრაქტს ცნობილი იურისტები წერენ და მათ საკმაო ოფლის ღვრა უწევთ.
ქეთის და ტომის საქორწილო კონტრაქტი თითქმის ას გვერდს შეიცავდა! ერთ-ერთ ქვეპუნქტში ეწერა, რომ ქეთის კრუზის რელიგიური შეხედულებები უნდა გაეთვალისწინებინა. ტომი ცნობილი საიენტოლოგია. როგორც ჩანს, ეს ქორწინება არამყარ საძირკველზე აღმოცენდა. ჰოლმსმა მეუღლის უცნაურ პოზიციას დიდხანს ვერ გაუძლო და გაყრაზე განცხადება შეიტანა.
2. მადონა და გაი რიჩი
ცნობილმა და კაშკაშა მეუღლეებმა თავიანთ საქორწილო კონტრაქტზე გულისყურით იმუშავეს. სხვადასხვა პირობას შორის არსებობს პუნქტი, რომლის თანახმადაც რიჩი ვალდებულია, კაბალას შესახებ რელიგიური წიგნები იკითხოს. იმავდროულად ამის თაობაზე ცოლთან კამათის უფლება მას ჩამორთმეული აქვს.
3. მარკ ცუკერბერგი და პრისცილა ჩანი
ეს ორი შეყვარებული ადამიანი თავის გრძნობებს ყველაფერზე მაღლა აყენებს. ჩანის მოთხოვნით, წყვილი კვირაში ერთხელ მაინც პაემანზე უნდა წავიდეს. ეს პუნქტი იმის გამო ჩაწერეს კონტრაქტში, რათა მეუღლეებს ერთმანეთისადმი სიყვარული არ განელებოდათ. მარკი ამ ვალდებულებას პირნათლად ასრულებს.
4. ჯასტინ ტიმბერლეიკი და ჯესიკა ბილი
ჯესიკა ლამაზი და თავდაჯერებული ქალის შთაბეჭდილებას ტოვებს, მაგრამ ეს თავდაჯერებულობა მის მეუღლეზე არანაირად არ ვრცელდება. კონტრაქტის მიხედვით, ჯასტინმა ცოლქმრული ღალატისას ყოველ ჯერზე ჯესიკას ნახევარი მილიონი დოლარი უნდა გადაუხადოს.
5. ბიონსე და ჯეი-ზი
ეს უცნაური კავშირი რამდენჯერმე რღვევის პირას იდგა. ცნობილი რეპერი ღალატში იქნა შემჩნეული, რის გამოც ბიონსეს გაყრა სურდა. მაგრამ ტყუპის გაჩენის შემდეგ მეუღლეებმა შერიგებია გადაწყვიტეს. ტყუპების დაბადების შემდეგ ჯეი-ზის ბევრი ფიქრი მოუწევს, სანამ ღალატს გადაწყვეტს: კონტრაქტის მიხედვით, გაყრის შემთხვევაში მან ყოფილ მეუღლეს ქორწინებაში გაჩენილ თითო ბავშვზე 5 მილიონი დოლარი უნდა გადაუხადოს.
6. ნიკოლ კიდმანი და კიტ ურბანი
კიდმანმა არაერთხელ დაამტკიცა, რომ წინდახედული ქალია. ეს მის საქორწინო კონტრაქტზეც ითქმის. კიტს ჯერ კიდევ ქორწინებამდეც ჰქონდა ნარკოტიკებთან პრობლემები. არავინ იცის, რისგან იყო ეს გამოწვეული, მაგრამ, ეტყობა, როკმუსიკოსის ცხოვრება ამგვარ საქციელს ითვალისწინებს. ეს პრობლემა ძალიან მარტივად გადაწყდა. ნიკოლმა საქორწილო კონტრაქტს ერთი პუნქტი დაუმატა, რომლის მიხედვითაც, თუკი კიტი ერთხელ მაინც მოიხმარს ნარკოტიკს, გაყრა გარდაუვალი იქნება.