გამონახეთ წუთი საკუთარი თავისთვის, აირჩიეთ მოწონებული ციხე-დარბაზი და წაიკითხეთ შედეგი.
ციხე-დარბაზი #1
პრობლემების ჯაჭვი დიდი ხანია უკან მოგყვებათ. თქვენი პრინციპია: „მე მოვალე ვარ“ და ჩუმად ეზიდებით ჭაპანს. თქვენ არ ითხოვთ დახმარებას, ყველა გაოცებულია თქვენი თმენითა და გამძლეობით. არადა მხოლოდ თქვენ იცით ყოველივე ამის ნამდვილი ფასი. თქვენ ოცნებობთ, „მე“ შეცვალოთ "ჩვენ"-ით.
ციხე-დარბაზი #2
ზღაპრულ პრინცესას ჰგავხართ. მიისწრაფით იდეალისკენ და გიყვართ ყურადღება. მუდმივად კომპლიმენტებს გიძღვნიან, ადამიანები ხშირად გეპირფერებიან, რათა თქვენი კეთილგანწყობა დაიმსახურონ. მთლიანობაში ცხოვრება მოგწონთ და ამ როლში თავს კომფორტულად გრძნობთ. მაგრამ ზოგჯერ გსურთ, იდეალის ნიღაბი მოიგლიჯოთ, ყალბი მანერები დაივიწყოთ და, უბრალოდ, გულით გაიცინოთ. შინაგანად გწყინთ, რომ გარეგნულ მბზინვარებაში ასე ცოტა სულიერებაა.
ციხე-დარბაზი #3
საქმიანი ადამიანი ბრძანდებით და საგნებს პრაგმატულად აფასებთ. ნებისმიერი სვლა წინასწარ გაქვთ გათვლილი და ინფორმაციას მყისიერად ითვისებთ. ნებისმიერ ვითარებაში სიმშვიდეს ინარჩუნებთ. ადამიანების აზრით, სრულიად უემოციო ბრძანდებით. მხოლოდ ღამით, როცა ქალაქი მშვიდდება, თქვენ ემოციებით ივსებით. ერთდროულად გსურთ სიცილიც და ტირილიც - მხოლოდ ასე გრძნობთ თავს ცოცხლად.
ციხე-დარბაზი #4
გულისხმიერი და მგრძნობიარე ადამიანი, სხვის სურვილებს საკუთარზე უფრო მაღლა აყენებთ. ღამითაც რომ დაგირეკონ, თავქუდმოგლეჯილი გაიქცევით დასახმარებლად. ადამიანები თქვენს კეთილგანწყობას ნორმად აღიქვამენ და უკვე ყოველგვარ წვრილმანზე გაწუხებენ. ამასობაში თქვენს გონებაში მწიფდება აზრი: „მე როდისღა დამეხმარება ვინმე!“ ამ დროს არავის თქვენი ინტერესები და განცდები არ აინტერესებს. ყველა გამორჩენას ელის, საწყენია!
ციხე-დარბაზი #5
თქვენთვის სახლი, საოჯახო ფასეულობები პირველ ადგილზეა. რამდენიმე ამოცანის ერთდროულად გადაწყვეტა შეგიძლიათ. ენერგიული და მეგობრული ბრძანდებით. თქვენი სახლი მეგობრებისთვის ყოველთვის ღიაა. დაწყობილი ცხოვრება და სტაბილურობა გულს ახარებს. ერთი შეხედვით ყველაფერი კარგადაა. მაგრამ გსურთ, თავი პატარა პრინცესად წარმოიდგინოთ და ზრუნვითა და ყურადღებით იყოთ გარშემორტყმული. მცირედი რომანტიკა თქვენს ცხოვრებას შეაფერადებს და ეს კარგი იქნება.
ციხე-დარბაზი #6
ქაოსი და ნგრევა ყოველ ფეხის ნაბიჯზე თან დაგყვებათ. ცარიელი კედლები და სრული მარტოობა უკვე აღარ გაღიზიანებთ - მიეჩვიეთ. მომხიბლავი გარეგნობისა და ბევრი ტალანტის პატრონს ნაბიჯის წინ გადადგმა გიჭირთ. წარუმატებლობის შიში გხრავთ და ყველა თქვენს მცდელობას ძირშივე ანადგურებს. არადა მოკალით თქვენში ეს საშინელი შიში და ყველაფერი კარგად იქნება. დათესეთ თქვენს გულში თავდაჯერებულობის მარცვალი და ნახავთ, ის ყოველდღიურად გაიზრდება და გამყარდება.