გახსოვდეთ, რომ დელიკატური მოსაუბრე ყველას უყვარს.
რა არ უნდა თქვათ სხვის გარეგნობაზე
არ უთხრათ: ”დაღლილად გამოიყურები”.
რატომ? - ეს ფრაზა მოიაზრებს, რომ ადამიანი ცუდად გამოიყურება.
უბრალოდ დაინტერესდით და ჰკითხეთ: ”ყველაფერი კარგად არის?”
არ აღნიშნოთ: ”ოჰო, კილოგრამების მთელი ტონა დაგიკლია!”
რატომ? - ადრესატმა შეიძლება, იფიქროს, რომ აქამდე მომხლიბლავი არ იყო.
უთხარით: ” ფანტასტიკურად გამოიყურები!” და შეგიძლიათ, დაამატოთ, - რაში მდგომარეობს ამის საიდუმლო?”
არასდროს უთხრათ: ” შენი ასაკისათვის კარგად გამოიყურები”.
რატომ? -ეს უხეშად ჟღერს.
უბრალოდ აღნიშნეთ: ”შესანიშნავად გამოიყურები”.
არ თქვათ: ” მსგავს რამეს არასდროს ჩავიცვამდი.”
რატომ? - თქვენს კომენტარს კრიტიკად მიიღებენ.
უთხარით: ” ამ ჯინსებში კარგად გამოიყურები, მაგრამ მე მას ვერასდროს ჩავიცვამ, რადგან შენნაირი ტანი არ მაქვს.”
რისი თქმა არ ღირს მარტოხელა ადამიანისათვის.
არასდროს დაამშვიდოთ მოსაუბრე მსგავსი ფრაზით: ” შენ მისთვის ზედმეტად კარგი იყავი.”
რატომ? - ამით შენ მას ეუბნები, რომ ცუდი გემოვნება აქვს.
უთხარით: ” შენ მისთვის დანაკარგი ხარ!”
არ შეცდეთ და უთხრათ: ”მიხარია, რომ მისგან გათავისუფლდი, მე ის არასდროს მომწონდა.”
რატომ? - თუ თქვენ მანამდე მისი ყოფილი მოგწონდათ და ამას აღნიშნავდით კიდეც, გამოდის, ან ახლა იტყუებდით, ან მაშინ ცრუობდით.
უბრალოდ დაამშივდეთ: ”დარწმუნებული ვარ, იპოვი მას, ვინც შენ გჭირდება.”
თუ გაინტერესებთ ჰყავს თუ არა შეყვარებული, არასდროს უთხრათ: ” ასეთ იდეალურ გოგოს როგორ შეუძლია, აქამდე მარტო იყოს?
რატომ? - ძალიან საეჭვო კომპლიმენტია, შეიძლება ასე გაიჟღეროს : ”რაღაც მგონი ისე ვერ გაქვს”.
უბრალოდ იკითხეთ: ” ხვდებით ახლა ვინმეს?”
რას უნდა აარიდოთ თავი შეყვარებულთან კამათისას
არ დაიწყოთ წინადადება: ”შენ ყოველთვის..”, ”შენ არასდროს...”
რატომ? - საყვარელ ადამიანს იარლიყები არ უნდა მიაკრათ და ყველა ადამიანურ ცოდვაში ის არ უნდა დაადანაშაულოთ. თქვენი მეორე ნახევარი ამას დიდხანს დაიმახსოვრებს.
უთხარით: ”ნაწყენი ვარ იმიტომ, რომ შენ ისევ... რა შეგვიძლია გავაკეთოთ, რათა ეს აღარ განმეორდეს?”
არასდროს უთხრათ: ”შენ რომ ნამდვილად გყვარებოდი...”
რატომ? - ასეთი ფრაზებით მეორე ნახევრის მანიპულირებას ნურასდროს ეცდებით. ეს კარგი ურთიერთობებისთვის ცუდი საფუძველია.
უთხარით: „თავს უკეთ ვიგრძნობდი, შენ რომ...”
