ერისეირა, პორტუგალია.
ეს საოცნებო ადგილია სერფინგის მოყვარულთათვის დასავლეთ ევროპაში, თუმცა მისი ტალღები დამწყებთათვის უსაფრთხო არ არის.
ვესტმანაეიარი, ისლანდია.
ეს სწორედ ის ადგილია, სადაც 1973 წელს ვულკანი ელდფერი ამოიფრქვა. ქალაქი 15 სხვადასხვა კუნძულისგან შედგება. ვესტმანაეიარი გვიზიდავს არაჩვეულებრივი ბუნებით და ფრინველთა რაოდენობით, რომლებიც კუნძულს მხოლოდ ზაფხულობით სტუმრობენ.
კოლმარი, საფრანგეთი.
მას ასევე „ელზასის ღვინის დედაქალაქს“ უწოდებენ. კოლმარში შეხვდებით უამრავ ისტორიულ ძეგლს და მუზეუმს.
ბლედი, სლოვენია.
მისი ძირითადი ხიბლი, რითიც ტურისტებს იზიდავს - ბლედის ტბაა, რომელიც ალპებით და ტყით არის გარშემორტყმული.
პუჩისკა, ხორვატია.
განთქმულია ყველაზე ხარისხიანი ქვით. თეთრი სახლის გარკვეულ ნაწილში სწორედ პუჩსკის ქვებია გამოყენებული.
შირაკავ ა-გო, იაპონია.
ისტორიული სოფელი იაპონიაში, რომელიც იუნესკოს მსოფლიო მემკვიდრეობის ძეგლთა სიაშია შესული.
ჰალშტატი, ავსტრია
ჰალშტატი ისტორიულად ცნობილია მარილის წარმოებით, რომელსაც ადგილობრივი საბადოებიდან მოიპოვებენ. იუნესკომ ჰალშტატი მსოფლიო მემკვიდრეობის სიაში შეიტანა.
ტენბი, უელსი
ტენბის ულამაზესი პლაჟებით და ისტორიული არქიტექტურით, რომელიც მე-13 საუკუნის ქალაქის კედლებს და წმ.მარიას მე-15 საუკუნის ეკლესიას მოიცავს, ნამდვილად მოიხიბლებით. მათ გარდა, აქ 200-ზე მეტი ღირშესანიშნავი ადგილის დათვალიერებას შეძლებთ.
ალბარასინი, ესპანეთი.
1961 წელს ესპანეთის მთავრობამ ეს პატარა ქალაქი ეროვნულ ძეგლად გამოაცხადა. უძველესი ქალაქი დამშვენებულია მთაგრეხილებითა და მწვანე მდელოებით.
გარმიშ-პარტენკირხენი, გერმანია.
ეს კურორტი განსაკუთრებით იზიდავს სნოუბორდისტებს - მათთვის გამოყოფილია ცალკეული ტრასები და სპეციალურად აღჭურვილი პარკი.
ბიბური, ინგლისი.
ეს ულამაზესი ადგილი დიდ ბრიტანეთში, მდინარე კოლნთან ახლოს მდებარეობს. აღიარებულია მსოფლისო ერთ-ერთ ულამაზეს პეიზაჟად.
ქვინსთაუნი, ახალი ზელანდია.
ეს იდეალური ადგილი ბუნების მოყვარულთათვის ან, უბრალოდ, თავგადასავლების მაძიებლებისთვის, ზამთრის დადგომასთან ერთად კიდევ უფრო ლამაზდება.
ეზი, საფრანგეთი.
ულამაზესი ადგილი ბორცვიანი გორაკებით, რომელიც ზღვის ხედს გადმოჰყურებს.
რეინი, ნორვეგია.
მეთევზეთა პატარა სოფელი ნორვეგიაში, რომელშიც, დაახლოებით, 1000 ადამიანი ცხოვრობს.
მანაროლა, იტალია.
ეს ზღაპრული პაწაწინა ქალაქი იტალიის ზღვისპირეთში მდებარეობს. მისი ყველაზე დიდი ღირსება ის არის, რომ აქ მანქანები არ მოძრაობს - აქ გადაადგილების ერთადერთი საშუალება მომცრო ზომის ავტობუსებია, რომლებსაც მგზავრები პარკიდან ცენტრამდე გადაყავს.
შეფშაუენი, მაროკო.
შეფშაუენის უნიკალურობა მისი ლურჯი ფერშია, რომელიც აქ პირველად ებრაელმა ლტოლვილებმა 1930 წელს შემოიტანეს. ზოგი მიიჩნევს, რომ ლურჯი ფერი ცისა და სამოთხის სიმბოლოა, თუმცა არსებობს განსხვავებული მოსაზრებაც - კერძოდ, ის, რომ ლურჯი ფერი მოსახლეობას კოღოებისგან იცავს.
მარსაქლოკი, მალტა.
ყველაზე თვალწარმტაცი სათევზაო ადგილი მსოფლიოში, რომელიც ასევე თევზის რესტორნების რაოდენობით გამოირჩევა. თუკი ამ ქალაქს ნაწვიმარზე დაათვალიერებთ, შთაბეჭდილება მთელი სიცოცხლის მანძილზე გაგყვებათ.