- რა არის თქვენთვის სრულყოფილი ბედნიერება?
- სიმშვიდე და ცოდნა იმისა, რომ ჩემთვის საყვარელი ადამიანი კარგად არის.
- ბოლოს როდის გაიცინეთ?
- ახლა...
- ბოლოს როდის იტირეთ?
- ხელოვნების ნაწარმოებს შეუძლია, ამატიროს ხოლმე... ბოლოს როდის ვიტირე, არ მახსოვს.
- თქვენი ხასიათის მთავარი შტრიხი?
- მეოცნებე ვარ.
- ყველაზე დიდი ნაკლი?
- არ შემიძლია გეგმურობა.
- ყველაზე მეტად რომელ ისტორიულ ფიგურასთან აიგივებთ თავს?
- ჩემთვის „კუმირია“, რა თქმა უნდა, მეტსახელიდან გამომდინარე - „ჩე გევარა“, თუმცაღა, მისი ბიოგრაფიიდან გამომდინარე - ვერ ვაიგივებ თავს.
- ვინ არიან თქვენი გმირები დღეს?
- ალბათ, ადამიანები, ვინც, მიუხედავად მსოფლიოს ძალიან ბევრი ცდუნებისა, ექციათ „ცუდებად“, ახერხებენ, დარჩნენ მარტივ, კეთილ და უბრალო ადამიანებად.
- თქვენი მხატვრული გმირები?
- ალბათ, ბავშვობისდროინდელი მხატვრული გმირები, რომლებიც დღემდე ხატებად შემოგვრჩნენ. ჩემთვის ერთ-ერთი ასეთია ეთელ ლილიან ვოინიჩის „კრაზანა“.
- ყველაზე შთამბეჭდავი მოგზაურობა?
- წელს მქონდა იტალიაში, ჩემს საყვარელ ადამიანთან, ანისთან ერთად. განსაკუთრებით გამოვყოფდი ქალაქ სიენას, სადაც აუცილებლად დავბრუნდები.
- თვისება, რომელსაც უპირატესობას ანიჭებთ მამაკაცში?
- ერთგულება.
- ქალში?
- ერთგულება.
- საყვარელი მწერლები?
- ჯოან როულინგი.
- საყვარელი კომპოზიტორი?
- გუსტავ მალერი.
- ფილმი?
- „სტალკერი“.
- რას მიიჩნევთ თქვენს ყველაზე დიდ მიღწევად?
- ამ ეტაპზე, ალბათ, საკუთარ თავს.
- რა არის თქვენთვის ყველაზე ძვირფასი?
- ურთიერთობები.
- რა არის თქვენთვის სამშობლო?
- იმ ხალხის ერთიანობა, რომლებთანაც მაკავშირებს სიყვარული, ტკივილი, სიხარული და მთელი ჩემი წარსული.
- თარიღი, რომელსაც თქვენი ცხოვრებიდან გამოტოვებდით?
- არ მაქვს ასეთი თარიღი.
- რისი გეშინიათ ყველაზე მეტად?
- სიცარიელის.
- როგორ ისურვებდით სიკვდილს?
- ისე, როგორც ვერ წარმოვიდგენ.
- თუკი ოდესმე ღმერთს შეხვდებოდით, რას ისურვებდით, რომ თქვენთვის ეთქვა?
- გმადლობ.
ფოტოგრაფი: ალექსანდრე სხულუხია