ჟოლოს უშაქრო მურაბა - გემრიელი და სასარგებლო

ჟოლოს უშაქრო მურაბის მომზადების წესი:

ჟოლოს ყუნწები მოაცილეთ, მაგრამ არ გარეცხოთ, რომ წვენი არ დაიკარგოს.

წინასწარ გასტერილიზებული ქილები ყუნწებდაცლილი ჟოლოთი შეავსეთ და დიდ ქვაბში ჩადგით, რომელსაც ძირზე ტილო აქვს ჩაფენილი. ქვაბი წყლით ისე შეავსეთ, რომ ქილებს შუამდე მისწვდეს და დაბალ ცეცხლზე დადგით.

როდესაც წყალი გაცხელდება, კენკრა წვენს გამოყოფს და ზომაში შემცირდება, ამიტომ შეგიძლიათ ქილებს ჟოლო დაამატოთ.

როცა ჟოლო მთლიანად წვენით დაიფარება, ქილებს ხუფები დააფარეთ და ნახევარი საათის განმავლობაში გაასტერილეთ. გაითვალისწინეთ, რომ სტერილიზაციის დრო წყლის ადუღების წუთიდან უნდა აითვალოთ.

მზად იყავით, რომ ასე მომზადებული მურაბა სქელი კონსისტენციის არ იქნება. სქელი კონსისტენციის მისაღებად მულტისახარში ქვაბი დაგჭირდებათ, სადაც კენკრას სასურველი სისქის მიღებამდე ხარშავთ და შემდეგ 20-30 წუთის განმავლობაში გაასტერილებთ. პროცესიის დასრულების შემდეგ ქილები უნდა გადააბრუნოთ და შეფუთოთ.

მურაბის გასასქელებლად კიდევ ერთი ხერხი არსებობს - ხარშვის დასრულებამდე 5 წუთით ადრე კენკრას წინასწარ დამბალი პექტინი დაუმატეთ (12 გრ 1 კგ ხილზე) და კარგად აურიეთ, რომ პექტინი თანაბრად გაიხსნას და განაწილდეს.

უშაქრო მურაბა მდიდარია ვიტამინებით და მშვენიერი დესერტია დიაბეტით დაავადებული ადამიანებისთვის.

აქვე წაიკითხეთ 👇

ბროწეულის ნატურალური წვენი და მურაბა

ქილების სტერილიზაცია ღუმელში

ტოპ პროდუქტები შაქრიანი დიაბეტის მქონე ადამიანებისთვის