დაკონსერვებული თევზის სასარგებლო თვისებები

კვლევის თანახმად, დაკონსერვებულ თევზს უნიკალური შემადგენლობა აქვს. ის მდიდარია ადვილად მოსანელებელი ცილებით, D და B ვიტამინებით და ისეთი მინერალებით, როგორიცაა კალციუმი, ფოსფორი და თუთია.

თუნდაც დაკონსერვებული თინუსის ღვიძლი რად ღირს, რომელიც ომეგა-3 ცხიმოვან მჟავებსა და დიდი რაოდენობით D ვიტამინს შეიცავს. ეს ნივთიერებები აუცილებელია ძვლების, გულ-სისხლძარღვთა და იმუნური ჯანმრთელობის შესანარჩუნებლად.

ექიმები აღნიშნავენ, რომ დაკონსერვებული თინუსი განსაკუთრებით სასარგებლო პროდუქტია სპორტსმენებისთვის და მათთვის, ვინც საკუთარ ჯანმრთელობაზე ზრუნავს. ორგანიზმი თინუსის ცილას თითქმის მთლიანად (95%-მდე) ითვისებს, რაც ფიზიკური დატვირთვის შემდეგ ძალების აღდგენის იდეალური წყაროა.

მეცნიერები აღნიშნავენ, თევზი დაკონსერვების დროს ინარჩუნებს ფოსფორს, რომელიც ძლიერი კბილებისა და ძვლების შენარჩუნებაში ეხმარება, B ვიტამინს, რომელიც აძლიერებს ნერვულ სისტემას, ომეგა 3-ს , რომელიც ხელს უწყობს "ცუდი" ქოლესტერინის შემცირებას და გულსა და სისხლძარღვებს იცავს.

დანიელი მეცნიერები გვთავაზობენ, დაკონსერვებული თევზის მიმართ დამოკიდებულება შევცვალოთ, რადგან ის ჯანმრთელობისთვის სასარგებლო ნივთიერებების წყაროა.

ესეც დაგაინტერესებთ:

რატომ აიკრძალა თევზის ქონი საბჭოთა კავშირში?

თევზის „უხა“ - ძალიან სასარგებლო წვნიანი

სასარგებლოა თუ არა ღორის ხორცი