დიოგენეს სინდრომი - რაზე მეტყველებს უსარგებლო ნივთების დაგროვების ჩვევა?

ფსიქიატრების განმარტებით, ასეთ პაციენტებს უსარგებლო ნივთების დაგროვება, არეულობა, საკუთარი გარეგნობისა და სახლის მდგომარეობის მიმართ გულგრილობა ახასიათებთ. მათთვის დამახასიათებელია ეჭვიანობა, ემოციური ლაბილობა, აგრესიულობა, დახმარებაზე უარის თქმა.

პარადოქსია, მაგრამ დიოგენეს სინდრომის რისკჯგუფში, ძირითადად, წარსულში აქტიური, წარმატებული და განათლებული ადამიანები შედიან. ექსპერტები რისკფაქტორებად ხანდაზმულ ასაკს, მარტოობისკენ მიდრეკილებას და რიგ ნეირობიოლოგიურ ფაქტორებს ასახელებენ. თუმცა, უმეტეს შემთხვევაში, დაავადების გამომწვევი მიზეზი ეკონომიკური სირთულეებით, საყვარელი ადამიანის გარდაცვალებით ან იძულებითი მარტოობით გამოწვეული სტრესია.

კვლევები აჩვენებს, რომ უსარგებლო ნივთების დაგროვებისკენ მიდრეკილ ადამიანებს შუბლის ქერქის უნიკალური მახასიათებლები აქვთ, განსაკუთრებით მარჯვენა ნახევარსფეროში, სადაც რაციონალურობასა და გადაწყვეტილების მიღებაზე პასუხისმგებელი ზონა მდებარეობს.

დიოგენეს სინდრომს მედიკამენტებითა და ფსიქოთერაპიით მკურნალობენ, თუმცა, უმნიშვნელოვანესია, რომ ინდივიდმა მკურნალობაზე თანხმობა განაცხადოს.

***

5 ჩვევა, რომელიც მოწევაზე მავნეა

ჩვევები, რომლებიც ტვინს აზარმაცებს

კვლევა: არეული ოთახი, ბილწსიტყვაობა და გვიან დაძინება ჭკვიანი და წესიერი ადამიანების ჩვევაა