3 ივლისის ასტროლოგიური პროგნოზი

ვერძი

ამ დღეს მთელი ენერგია და აქტივობა ფიზიკური ვარჯიშისკენ უნდა მიმართოთ. შესაძლოა, თქვენს წინაშე ახალი ჰორიზონტები და უჩვეულო პერსპექტივები გამოჩნდეს. ნებისმიერი მეგობრული შეხვედრა სასარგებლო იქნება, თუმცა ეცადეთ ღია ცის ქვეშ, სასიამოვნო ადამიანებთან ერთად მეტი დრო გაატაროთ. შესაძლოა, ოჯახური პრობლემის გადასაჭრელად სამსახურისთვის გამოყოფილი დროის შემცირება დაგჭირდეთ.

კურო

მოვლენებით დატვირთული დღეა. გამორიცხული არ არის, რომ სამსახურში თქვენი პოზიცია ან ანაზღაურება შეიცვალოს. ამ დღეს არაკეთილგანწყობილ ადამიანებთან ურთიერთობაში მეტი ტაქტი და დიპლომატია უნდა გამოიჩინოთ. მთლიანობაში, იდეალური დროა სპორტისა და ფიზიკური დატვირთვისთვის.

ტყუპები

საკუთარ თავში ფარულ შესაძლებლობებს აღმოაჩენთ, რაც ახალი საქმის დაწყებაში დაგეხმარებათ. ყველა პრობლემის ერთდროულად მოგვარებას ნუ ეცდებით. სასურველი შედეგის მისაღწევად, დღევანდელი დატვირთვა ორჯერ მაინც უნდა შეამციროთ. არსებობს სამსახურში კონფლიქტისა და საგზაო შემთხვევების ალბათობა, ამიტომ სიფრთხილე უნდა გამოიჩინოთ. პროფესიულ საქმიანობაში უმჯობესია ტაქტიკა შეცვალოთ და პრინციპულობას კომპრომისების გზა ამჯობინოთ.

კირჩხიბი

ადრე თუ გვიან, ყველაფრის ერთდროულად კეთება საბედისწერო შეცდომამდე მიგიყვანთ, ამიტომ ეცადეთ საქმე მშვიდად და აუჩქარებლად აკეთოთ. ამ დღეს მენეჯმენტი და კოლეგები თქვენგან მაქსიმალურ ძალისხმევას მოითხოვენ და ეცადეთ იმედი არ გაუცრუოთ. დროა, პირადი ურთიერთობების მოგვარებაზეც იზრუნოთ - გათავისუფლდით ადამიანებისგან, რომლებსაც თქვენს ცხოვრებაში მხოლოდ ტკივილი მოაქვთ.

ლომი

ლომებო, ახალი საქმის დასაწყებად არახელსაყრელი დღეა. დიდი ცდუნების მიუხედავად, ყველა საეჭვო შეთავაზებაზე უარი უნდა თქვათ. მზად იყავით იმისთვის, რომ ბიზნესპარტნიორები თქვენს მოტყუებას ეცდებიან და ყურადღებით შეამოწმეთ ყველა საბუთი. რისკის გამოსარიცხად არ დაესწროთ მასობრივ ღონისძიებებს და საღამო განმარტოებით გაატარეთ.

ქალწული

ქალწულებისთვის წარმატებული პერიოდი იწყება, რადგან არსებობს კარიერული წინსვლისა და პოზიციების გაძლიერების შანსი, თუმცა მანამდე სამსახურში ძველი პრობლემა უნდა მოაგვაროთ. დღის მეორე ნახევარი ახლობელ ადამიანთან დაკავშირებულ ნერვიულობას მოგიტანთ. საღამოს მეგობრებთან შეხვედრა უსიამოვნო ფიქრებს დაგავიწყებთ.

სასწორი

შედეგების შეჯამებისა და ჩატარებული სამუშაოს შეფასებისთვის ხელსაყრელი დღეა. თუ დახმარება გჭირდებათ, საყვარელ ადამიანებს უნდა მიმართოთ. ძველი მეგობრების და პროფესიონალების რჩევაც დაგეხმარებათ, ამიტომ ოთხ კედელში არ უნდა ჩაიკეტოთ და სახლის გარეთ რაც შეიძლება მეტი დრო გაატაროთ. ნაჩქარევ გადაწყვეტილებებს ნუ მიიღებთ. შეადგინეთ გეგმები და მათი განხორციელებისთვის მოემზადეთ.

მორიელი

უფრთხილდით სამსახურებრივ პრობლემებს. თქვენმა თავდაჯერებამ და სიჯიუტემ შეიძლება ოჯახის წევრების პროტესტი გამოიწვიოს. ეცადეთ ნებისმიერ დავაში კომპრომისი იპოვოთ და თითოეულ პრობლემას გასაღები მოარგოთ. ზოგი სიტუაციის მოგვარებას მხოლოდ თქვენი ინტუიციის და ინტელექტის წყალობით შეძლებთ.

მშვილდოსანი

ეს დღე მომავლის იმედს განასახიერებს და ახალ შესაძლებლობებს გპირდებათ. ცდუნების მიუხედავად, სარისკო ოპერაციებში ჩართვას უნდა მოერიდოთ, მით უმეტეს, რომ ამის გამოცდილება არ გაქვთ. უფროსი ასაკის მშვილდოსნები შეიძლება თავის ტკივილმა და მაღალმა წნევამ შეაწუხოს. დროა დასვენებაზე და ძალების აღდგენაზე იზრუნოთ და რაც მთავარია, ემოციურ და ფიზიკურ სტრესს მოერიდეთ.

თხის რქა

ამ დღეს მნიშვნელოვანი გადაწყვეტილების მიღებას უნდა მოერიდოთ და თუ შესაძლებელია, რამდენიმე დღე გადადოთ. სანამ დასკვნებს გამოიტანთ, ახალი ინფორმაცია კარგად უნდა შეისწავლოთ და თუ საჭიროა, დახმარებისთვის სპეციალისტებს მიმართოთ. თუ ვინმეს საიდუმლო გაიგეთ, მაშინვე დაივიწყეთ - მისი ცოდნა პრობლემების გარდა, არაფერს მოგიტანთ.

მერწყული

კარგი დღეა შემოქმედებითი უნარების გამოსავლენად. უჩვეულოდ გამახვილებული ინტუიციისა და პირადი თვისებების წყალობით მოკავშირეებს მაგნიტივით იზიდავთ, რაც ფულის შოვნის ახალ შესაძლებლობებს გააჩენს. მარტოხელა მერწყულებს მნიშვნელოვანი შეხვედრა ელით, რომელიც ყველაფერს შეცვლის. მანამდე დარჩენილი დღეები კი ეცადეთ სულიერ და მორალურ განვითარებას დაუთმოთ.

თევზები

ხელსაყრელი დღეა შემოქმედებითი იდეების განსახორციელებლად. შთაგონება დღეს თქვენი საიმედო მეგზური იქნება. ხელმძღვანელ პოზიციებზე მყოფი თევზები რთული არჩევანის წინაშე დგანან. ეცადეთ სიმტკიცე გამოიჩინოთ თუნდაც ეს რთული იყოს. ხელსაყრელი დროა იმისთვის, რომ სახლისა და სამუშაო სივრცის მოწესრიგებაზე იზრუნოთ. მოიცილეთ ძველი და უსარგებლო ნივთები და სიახლეებისთვის მეტი ადგილი დარჩება.