სტრესი ინსულტის რისკს ზრდის, მაგრამ მხოლოდ ქალებში

ზემოხსენებული კვლევის შედეგები ამერიკელ ნევროლოგთა ასოციაციის ვებგვერდზე გამოქვეყნდა.

მეცნიერებმა 18-დან 49 წლამდე ასაკის 426 მამაკაცისა და ქალის მონაცემი შეისწავლეს, რომლებმაც ბოლო ერთი თვის განმავლობაში იშემიური ინსულტი გადაიტანეს. მათთან ერთად, საკონტროლო ჯგუფში იგივე ასაკის ჯანმრთელი ადამიანებიც შეიყვანეს.

სტრესის დონის შესაფასებლად ექსპერიმენტის მონაწილეებმა ანკეტა შეავსეს:

• დაბალი სტრესი 0-დან 13 ქულამდე შეფასდა,
• ზომიერი — 14-დან 26-მდე,
• ხოლო მაღალი — 27-დან 40-მდე.

აღმოჩნდა, რომ ინსულტის მქონე ადამიანების 46%-ს ზომიერი ან მაღალი სტრესის დონე ჰქონდა, მაშინ როცა ჯანმრთელ ადამიანებში ეს მაჩვენებელი საშუალოდ, 33%-ს შეადგენდა.

საბოლოოდ, საინტერესო დეტალი გამოვლინდა:

❗ ზომიერი სტრესი ინსულტის ალბათობას 78%-ით ზრდიდა, მაშინ როცა ძლიერი სტრესი — მხოლოდ 6%-ით!

ამ მონაცემების ახსნა მეცნიერებმა ჯერჯერობით ვერ შეძლეს, ისევე როგორც ის ფაქტი, რომ სტრესი ინსულტის რისკს მხოლოდ ქალებში ზრდიდა.

წინა კვლევებმა დაადასტურა, რომ განსაკუთრებით საშიშია ხანგრძლივი სტრესი, ახლა კი ოფიციალურადაც აღიარეს, რომ სტრესი ქალებისთვის ინსულტის რისკის ფაქტორია.

ესეც საინტერესოა:

საკვები, რომელიც ასუფთავებს სისხლძარღვებს და ეხმარება გულის ჯანმრთელობას

რა უნდა ჭამოთ გამოცდის წინ, თუ ტვინის მუშაობის გაუმჯობესება გსურთ

არომათერაპია - რა გავლენას ახდენს ჯანმრთელობაზე სურნელი?