საკვები, რომელიც ასუფთავებს სისხლძარღვებს და ეხმარება გულის ჯანმრთელობას

კარდიოლოგების აზრით, რამდენიმე პროდუქტი გულისა და სისხლძარღვებისთვის განსაკუთრებით სასარგებლოა. მათ შორის არის:

ბანანი - ის უამრავ კალიუმს შეიცავს, ის კი გულის კუნთის გასაძლიერებლად უაღრესად მნიშვნელოვანია. ბანანი ასევე შეიცავს რკინას, რომელიც სასარგებლოა სისხლძარღვების ელასტიურობისთვის და ანემიის დროს.

ბროწეული - ეს ხილი დიდი რაოდენობით A, B, C, E ვიტამინებს შეიცავს, ისინი კი ჰემოგლობინის სათანადო დონის შენარჩუნებას ეხმარებიან. ბროწეულის წვენი ასტიმულირებს ორგანიზმში აზოტის ოქსიდის გამოყოფას, რაც ააქტიურებს სისხლის მიმოქცევას, ხოლო არტერიებს ელასტიკურსა და მოქნილს ხდის.

პომიდორი - მასში დიდი რაოდენობითაა PP და C ვიტამინები, რომლებიც სისხლძარღვთა კედლების გაწმენდას ხელს უწყობენ და ოპტიმალურ სისხლის ნაკადს უზრუნველყოფენ.

ბროკოლი - ეს კეთილშობილი ბოსტნეული სავსეა უჯრედისით, რომელიც დაბლა სწევს სისხლის წნევას და ქოლესტერინის დონეს.

სატაცური - ის არა მარტო გემრიელია,არამედ ასევე შესანიშნავი ბუნებრივი საშუალებაა არტერიების გასაწმენდად. ის დაბლა წევს სისხლის წნევას და თრომბის წარმოქმნას უშლის ხელს.

გოგრა - ეს ზამთრის დედოფალი უამრავ პექტინს შეიცავს, რომელიც ხელს უშლის ათეროსკლეროზის განვითარებას. გოგრის წვენი კარგი დამამშვიდებელი საშუალებაა.

ნიგოზი - მდიდარია ომეგა -3 ცხიმოვანი მჟავებით, რომელიც ხელს უწყობს სისხლში ქოლესტერინის შემცირებას და გულის არტერიებს ანთებისგან იცავს.

შვრიის ფაფა - ესეც ქოლესტერინს ებრძვის და ხელს უწყობს სისხლში შაქრის საჭირო დონის შენარჩუნებას.

მწვანე ჩაი - კატეხინების მაღალი შემცველობით გამოირჩევა, რომელიც აფერხებს ქოლესტერინის შეწოვას საჭმლის გადამუშავების დროს. შეიყვარეთ მწვანე ჩაი და სისხლში ლიპიდების დონე გაუმჯობესდება, შედეგად კი არტერიული დაბინძურების რისკი შემცირდება.

გარდა ამისა, გულისა და სისხლძარღვების ჯანმრთელობისთვის სასარგებლოა ისეთი პროდუქტების მიღება, როგორიცაა ჭარხალი, ვაშლი, ცხიმიანი თევზი, ზეითუნის ზეთი, ნიახური, ხურმა, ლიმონი, ნიორი, წიწაკა და ხახვი.

ესეც დაგაინტერესებთ:

უცნობი ფაქტები ადამიანის სისხლძარღვების შესახებ

სკრაბი ნაწლავებისთვის - თაფლის და სელის თესლის კოქტეილი

გულის მკვებავი პროდუქტები