ოქროს კბილების მოდა ბრუნდება?

fun time

18:23 კვი. 20 ივლისი

დაკოპირებულია

საქართველოში ოქროს კბილების მოდა 20-ე საუკუნის შუა და ბოლოს პერიოდში გავრცელდა. ბევრმა ოქროს კბილები მხოლოდ ფუნქციური მიზნით კი არა, სტატუსის ნიშნადაც ჩაისვა. იგივე ტენდენცია სომხეთში და აზერბაიჯანშიც შეინიშნებოდა, თუმცა ზოგადად, სტომატოლოგიაში ოქროს გამოყენება ათასწლეულების წინ დაიწყო.

იტალიაში მცხოვრები ეტრუსკები კბილის მოწყობილობების შესაქმნელად ოქროს ჯერ კიდევ ჩვენს წელთაღრიცხვამდე 700 წელს იყენებდნენ.

საუკუნეების წინ ფილიპინებზე ადგილობრივი ტომები კბილებს ოქროს ფირფიტებით იმშვენებდნენ, რაც მაღალი სოციალური სტატუსის სიმბოლოდ მიიჩნეოდა.

ოქროს გვირგვინები თანამედროვე სტომატოლოგიაშიც აქტიურად გამოიყენება, რადგან ოქრო არ იჟანგება, არ იცვითება და ღრძილებს არ აზიანებს. გარდა ამისა, ის ძალიან რბილია, რაც მნიშვნელოვანია კბილების ჯანმრთელობის შესანარჩუნებლად. სწორად დაყენებული ოქროს გვირგვინი 20-დან 40 წლამდე, ზოგჯერ კი მეტსაც ძლებს.

როდესაც ოქროს თანამედროვე კერამიკულ ან ფაიფურის მასალებს ვადარებთ, ოქროს კბილების უპირატესობა აშკარა ხდება. კერამიკული გვირგვინები, როგორც წესი, 10-15 წელს ძლებს, თუმცა შეიძლება მანამდეც გატყდეს ან გაიბზაროს, მაშინ როდესაც ოქროს გვირგვინი ათწლეულების მანძილზე ძლებს.

გარდა ამისა, ოქრო პარალელურ კბილებს ნაკლებად აზიანებს და ღრძილებს შესანიშნავად ერგება.

დღესაც კი, ოქროს კბილები მსოფლიოს მრავალ ქვეყანაში გამოიყენება. ახლო აღმოსავლეთის, სამხრეთ-აღმოსავლეთ აზიისა და აფრიკის ზოგიერთ რეგიონში კი ოქროს კბილებს მჭიდრო კავშირი აქვს კულტურულ ტრადიციებთან, სულიერ რწმენებთან და სოციალურ სტატუსთან.

***

ახალი აღმოჩენა - კბილების ამოსვლა ნებისმიერ ასაკში შესაძლებელია

ის, რაც კბილების შესახებ არ გეცოდინებათ

რატომ არ ამოსდით სიბრძნის კბილები მექსიკელებს?