ის, რაც კბილების შესახებ არ გეცოდინებათ

სტომატოლოგიური ასორტი

🔸თუ ცაცია არ ხართ, ეს ნიშნავს, რომ თქვენი ყბის მარჯვენა მხარე დომინანტურია და უმეტესად, სწორედ ამ მხარეს ღეჭავთ.

🔸სარკეში კბილის მხოლოდ 1/3 ვხედავთ, კბილების 2/3 ღრძილების ქვეშ მდებარეობს.

🔸ყველა ადამიანის კბილი ისეთივე უნიკალურია, როგორც თითის ანაბეჭდი.

🔸ზოგი ფიქრობს, რომ ძვალი სხეულის ყველაზე მყარი ნაწილია. სინამდვილეში, კბილების მინანქარი უფრო მყარია.

🔸კბილის ნადები საშუალოდ, 300 სახეობის ბაქტერიას შეიცავს.

🔸ადამიანის სხეული ცხოვრების განმავლობაში 25000 ლიტრზე მეტ ნერწყვს აწარმოებს, რაც ორი აუზის გასავსებად საკმარისია. ნერწყვი საჭმლის მონელებაში გვეხმარება და იცავს პირის ღრუს ბაქტერიებისგან.

🔸ბევრი სტომატოლოგიური პრობლემა გულის დაავადებებს, ოსტეოპოროზს (ძვლის მასის დაქვეითება) და დიაბეტს უკავშირდება.

ვიხეხავდით, ვიხეხავთ და გავიხეხავთ

➡️კბილის ჯაგრისი კბილის ზედაპირის დაახლოებით 60%-ს ასუფთავებს. დანარჩენისთვის არსებობს სტომატოლოგიური ძაფი და ირიგატორი (მოწყობილობა ნადებისა და საკვების ნარჩენების მოსაშორებლად)

➡️კბილის პასტის გამოგონებამდე რომაელები კბილებს კვერცხის ნაჭუჭის, ძვლების, ჩლიქისა და ნაცრის ნარევით იხეხავდნენ.

➡️ყველი ქმნის დამცავ ფენას, რომელიც ანეიტრალებს კბილის ნადებში შემავალ მჟავას. იქნებ კბილების ყველით გახეხვა გვეცადა?

➡️ადამიანი სიცოცხლის მანძილზე კბილების წმენდას საშუალოდ, 38 დღე უნდება.

რა გაავკეთოთ, როდესაც კბილები გვტკივა?

❗ შუა საუკუნეებში კბილის ტკივილის გასაყუჩებლად ადამიანები ვირებს კოცნიდნენ. ისტორიამ მრავალი წერილობითი ცნობა შემოგვინახა ასეთი „პროცედურის“ შესახებ.

❗ 400 წლის წინ კბილის ტკივილის მკურნალობის ერთ-ერთი პოპულარული, მაგრამ ნაკლებად ეფექტური მეთოდი კარდანუსის მეთოდი გახლდათ. გერმანელი მეცნიერი პაციენტებს სთავაზობდა, რომ ღამე, ეზოში პირდაღებული დამჯდარიყვნენ და კბილები მთვარისთვის დაენახებინათ.

❗ მანამდე ყველაზე ეფექტურ და უმტკივნეულო მეთოდად ითვლებოდა მტკივნეული კბილის მხარეს ყურში ზეთში არეული ჩიტის სკლინტის ჩადება. სწორედ ამ მეთოდით მკურნალობდა პაციენტებს ჩვენს წელთაღრიცხვის I საუკუნეში მეცნიერი პლინიუსი.

სტომატოლოგები

👨‍⚕️ კაცობრიობის ისტორიაში პირველი სტომატოლოგი ეგვიპტეში, 5000 წლის წინ ცხოვრობდა და ჰესი-რე ერქვა.

👨‍⚕️ ძველი ბერძენი მკურნალები პაციენტებს კბილების გასახეხად პემზის, ტალკის, ალაბასტის, მარჯნის ფხვნილის ან რკინის ჟანგის გამოყენებას ურჩევდნენ.

👨‍⚕️ ძველი რომაელები იმ დროისთვის შთამბეჭდავ სტომატოლოგიურ ტექნოლოგიას იყენებდნენ - კბილებს ოქროს დამცავ ფირფიტებს აკრავდნენ.

👨‍⚕️ პროფესიონალი სტომატოლოგების სიმცირის გამო, დაახლოებით XIX საუკუნემდე ევროპაში, კბილებს სხვა პროფესიის წარმომადგენლები - აბანოს მომსახურეები, იუველირები და პარიკმახერები მკურნალობდნენ.

და კიდევ 5 უცნაური ფაქტი კბილების შესახებ

😦 თუ აშშ-ის ლუიზიანას შტატში, ვინმეს საკუთარი კბილებით დაკბენთ, ეს უბრალო შეტევად ჩაითვლება, მაგრამ იმავეს პროთეზით გააკეტებთ, ეს იქნება - თავდასხმა დამამძიმებელ გარემოებებში.

😦 ისტორიკოსები დიდი ხანია ამტკიცებენ, რომ ჯორჯ ვაშინგტონს ხის კბილები ჰქონდა. მართალია, პრეზიდენტს ნამდვილად ხელოვნური კბილები ჰქონდა, მაგრამ ის ოქროსგან, სპილოს ძვლისა და ტყვიისგან იყო დამზადებული.

😦 ყველაზე ძვირად ღირებული კბილი ისააკ ნიუტონს ეკუთვნოდა. 1816 წელს მისი ერთი კბილი ლონდონში 35,700 აშშ დოლარად გაიყიდა. მყიდველმა კბილი ბეჭედში, ძვირფასი ქვის ნაცვლად ჩასვა.

😦 ჟირაფებს ჩვენსავით 32 კბილი აქვთ, თუმცა ჩვენგან განსხვავებით, მათი კბილები მხოლოდ ქვედა ყბაზეა განთავსებული.