გიორგი შარვაშიძე - დისტანციური სწავლება იყო გამოსავალი, რომელიც უნივერსიტეტმა აირჩია მაშინ, როცა მართლა იდგა მძიმე არჩევანი - ცუდსა და უარესს შორის

რექტორმა სტუდენტთა ერთი ჯგუფის პროტესტის შესახებ და სტუდენტური საერთო საცხოვრებლების შესახებაც ისაუბრა: „ჩვენ ისიც გვახსოვს, როგორ ითხოვდა სტუდენტთა სხვა ჯგუფი ჯერ კიდევ თებერვალში სწავლის სააუდიტორიო რეჟიმში აღდგენას. ამის შემდეგ სტუდენტებს ჰქონდათ ობიექტური პრობლემა ბინების გაძვირებასთან დაკავშირებით, ჩვენთვის გასაგები იყო ეს პრობლემა და უნივერსიტეტმა შესაბამისად, ერთი მხრივ, სწავლა გააგრძელა შერეულ ფორმატში და, მეორე მხრივ, გაგრძელდა მიღება საერთო საცხოვრებლებში, აღმოჩნდა, რომ მიუხედავად მძიმე ფონისა, მსურველების რაოდენობა არ იყო იმდენი, რამდენსაც მოველოდით და ადგილები საერთო საცხოვრებლებში - მათ შორის ლისის საერთო საცხოვრებელში, რომელიც ახალი აშენებულია, დღემდე თავისუფალია“, - განაცხადა შარვაშიძემ.