ქართული კერძები

კარტოფილის სწორად შეწვის 6 ოქროს წესი

fun time

18:00 ოთხ. 28 აპრილი, 2021 წელი

კარტოფილის შეწვის 6 ოქროს
წესი
14
დაკოპირებულია

თუკი შემწვარი კარტოფილი თქვენც ძალიან გიყვართ, გაეცანით ამ წესებს, რომლებსაც საუკეთესო კულინარებიც ითვალისწინებენ...

წესი 1

კარტოფილს გასუფთავებისა და დაჭრის შემდეგ აუცილებლად სჭირდება ცოტა ხნით ცივ წყალში ჩაყრა, რათა კარტოფილიდან სახამებელი გამოვიდეს.
თუკი წყალი თბილი ან ცხელი იქნება, სახამებელი კარტოფილში დარჩება და შეწვის დროს დაიშლება, ფაფისმაგვარი გახდება.
სახამებელი კარტოფილის შეწითლებას ხელს უშლის, ამიტომ აუცილებელია მისი გამოყვანა კარტოფილიდან.
რაც უფრო ახალგაზრდაა კარტოფილი, მით უფრო დიდხანს უნდა გააჩეროთ წყალში.
ყველაზე კარგია, თუკი გასუფთავებულ და დაჭრილ კარტოფილს წყალში 30 წუთი ან 1 საათი გააჩერებთ.

წესი 2

წყლიდან ამოღებულ კარტოფილს აუცილებლად სჭირდება გაშრობა. უმჯობესია, თუკი კარტოფილს თუშფალანგზე გადაიტანთ, ხოლო შემდეგ ტილოთი ან ხელსახოცით გაამშრალეთ.
კარტოფილი უნდა იყოს მშრალი. ზედმეტი სისველე დაბრაწვას ხელს შეუშლის. გარდა ამისა, ცხელ ზეთზე წყლის წვეთების მოხვედრას შხეფები მოჰყვება, რაც ძალიან არასასიამოვნო რამეა.

წესი 3

ტაფაც და ზეთიც კარგად უნდა იყოს გაცხელებული. არ ღირს ზეთის დანანება, მით უფრო, თუ კარტოფილი ფრი გიყვართ, რომელიც ადუღებულ ზეთში იწვება.

წესი 4

კარტოფილის დამარილება ან სხვადასხვა სუნელის დამატება საჭიროა მხოლოდ მას შემდეგ, რაც კარტოფილი საბოლოოდ შეიწვება!
თუკი მას შეწვის დროს ან შეწვამდე დაამარილებთ, ის კვლავ გამოყოფს წყალს, რომელიც კარტოფილს შეწითლების საშუალებას არ მისცემს და საბოლოოდ, ჩაიშლება.
როგორც კი კარტოფილი შეიწვება, გადაიტანეთ ის საწურზე, რათა ზედმეტი ცხიმისგან დაიცალოს. შემდეგ კი მოაყარეთ მარილი და სუნელები.

წესი 5

არასდროს დაახუროთ თავსახური ტაფას კარტოფილის შეწვის დროს. იმისთვის, რომ კარტოფილი ხრამუნა გამოვიდეს, ის თავსახურის გარეშე უნდა შეიწვას.

წესი 6

ტაფაზე ძალიან ბევრი კარტოფილი არ დაყაროთ. ოპტიმალურია 2-3 ფენა.

გემრიელი რეკომენდაციები:

გსურთ, შემწვარ კარტოფილს პიკანტური არომატი ჰქონდეს? მაშინ კარაქში მოთუშეთ რამდენიმე კბილი ნიორი. როგორც კი შეწითლდება, ნიორი ამოიღეთ და იმავე ტაფაზე შეწვით კარტოფილი.
თუკი ადუღებულ ზეთში რამდენიმე წუთით როზმარინს ჩააგდებთ, კარტოფილს პიკანტური არომატი და გემო ექნება.


სიახლეები ამავე კატეგორიიდან

ქილების სტერილიზაცია ღუმელში

ქილების სტერილიზაცია
ღუმელში

ყურძნის წვენის შენახვა ზამთრისთვის

ყურძნის წვენის შენახვა
ზამთრისთვის

მწვანე ლობიო კვერცხით - სწრაფად მოს...

მწვანე ლობიო კვერცხით

როგორ შევღებოთ და გავაფორმოთ სააღდგ...

კვერცხის შღებვა

ქათმის ფილე არაჟნით

ქათმის ფილე არაჟნით

როგორ მზადდება აფხაზურა

როგორ მზადდება აფხაზურა

ხბოს ხორცის სალათი - ნოყიერი და გემ...

ხბოს სალათა

მწვანე პომიდორი ბებიების რეცეპტით

მწვანე პომიდორი

ბოლოკის „ჩიფსები“ - სასუსნავი მათთვ...

ბოლოკის ჩიფსები