ნასოალდო გაზაფხულის ალერგიის შესამსუბუქებლად

აღნიშნული დაავადება მცენარეების მტვრის მიმართ ჰიპერმგრძნობელობას უკავშირდება — კერძოდ, როდესაც ალერგიული ადამიანი ამ მტვერს ისუნთქავს, იმუნური სისტემა მას საშიშ ნივთიერებად აღიქვამს და ანტისხეულების გამომუშავებას იწყებს. მარტივად რომ ავხსნათ, ორგანიზმში ჰისტამინის გამოყოფა იწყება, რომელიც ალერგიულ სიმპტომებს იწვევს — იქნება ეს ცხვირის გაჭედვა, სურდო, ცემინება, თვალების ქავილი თუ სიწითლე, ხველა, გამონაყარი კანზე თუ სხვ.

ამ დროს ძალიან მნიშვნელოვანია კომპლექსური მიდგომის შემუშავება, რომელიც მოიცავს როგორც სიმპტომების შემსუბუქებას, ისე ალერგენებთან კონტაქტის შემცირებას. თუმცა გაზაფხულის ალერგიის მთავარი გამომწვევი მიზეზი ხეების, ბალახებისა და ყვავილების მტვერია. ამ სეზონზე კი ნამდვილად რთულია მათგან თავის სრულად დაღწევა… ამიტომაც მთავარ დამხმარეს ისეთი სპეციალური პრეპარატები წარმოადგენს, რომელთა მიღებაც მნიშვნელოვნად ამცირებს სეზონური ალერგიით გამოწვეულ სიმპტომებს.

ასეთ მედიკამენტებს შორისაა მრავალფუნქციური სპრეი „ნასოალდო“ — მისი მოქმედების მექანიზმი საკმაოდ ფართოა და მთელი რიგი ჩვენებების დროს ინიშნება. მაგალითად, გამოიყენება ცხვირის ლორწოვანის ანთებითი დაავადებების სამკურნალოდ, კერძოდ იმ შემთხვევებში, როდესაც სიმპტომები გამოწვეულია ალერგიული რეაქციებით. შესაბამისად, ის ეფექტურია სეზონური და მრავალწლიანი ალერგიული რინიტის დროს, რაც გულისხმობს ცხვირის გაჭედვას, სურდოს, ცემინებას, ქავილსა და სასუნთქი გზების გაღიზიანებას. კომბინაციური მოქმედებით, პრეპარატი მნიშვნელოვნად ამცირებს ანთებას და შეშუპებას, რის შედეგადაც, სუნთქვა უმჯობესდება და ალერგიის სიმპტომები მსუბუქდება.

ასევე, ნასოალდოს ხშირად ნიშნავენ თივის ცხელების დროს, რომელიც სეზონური ალერგიის ერთ-ერთი გავრცელებული ფორმაა და ვითარდება ყვავილის მტვერთან კონტაქტისას.

ნასოალდო გამოიყენება ცხვირის პოლიპოზის სამკურნალოდაც, რომელიც ხასიათდება ცხვირის ლორწოვანის შეშუპებით, ნიჟარების გადიდებით და პოლიპების განვითარებით. ამ შემთხვევაში პრეპარატი ხელს უწყობს პოლიპების ზომის შემცირებას და ცხვირის გაჭედვის შემსუბუქებას.

ალერგიული რინიტის სპრეი შეიძლება დაინიშნოს ქრონიკული სინუსიტის დროსაც, განსაკუთრებით მაშინ, როცა პაციენტი განიცდის ცხვირის მუდმივ გაჭედვასა და ანთებას. მისი ანთების საწინააღმდეგო მოქმედება ამცირებს შეშუპებას.

მთლიანობაში, ნასოალდოს სპრეი ერთ-ერთი მთავარი დამხმარეა სეზონური ალერგიული რინიტის სიმპტომების შესამსუბუქებლად და სამკურნალოდ. მისი ეფექტურობა განპირობებულია აქტიური ინგრედიენტის, მომეტაზონის ფუროატის, მოქმედებით — ეს უკანასკნელი ცხვირის ლორწოვან გარსში ანთების შემცირებას უწყობს ხელს.

აღნიშნული სპრეის რეგულარულად გამოყენების შემთხვევაში, საგრძნობლად კლებულობს ალერგიული რინიტის სიმპტომები. თანაც, მედიკამენტს ადგილობრივი მოქმედების უნარი გააჩნია, რაც სისტემური გვერდითი მოვლენების რისკსაც ამცირებს.

გახსოვდეთ, გაზაფხულის ალერგია არ არის განაჩენი. სწორი დიაგნოსტიკითა და მკურნალობით, შესაძლებელია სიმპტომების კონტროლი და მშვენიერი სეზონით სრულად ტკბობა.

-------

ნასოალდოს საქართველოს ბაზარზე გავრცელებას ფარმაცევტული კომპანია სმარტფარმი უზრუნველყოფს.