რა დაინახეთ ერთი შეხედვით? - ფსიქოლოგიური ტესტი ოპტიკური ილუზიით
16:24 შაბ. 30 ნოემბერი, 2024 წელი

ეს ტესტი ცნობილი მექსიკელი მხატვრის, ოქტავიო ოკამპოს ნახატის მიხედვით შეიქმნა. ოქტავიო ოკამპო მექსიკელი მხატვარი-სიურეალისტია, რომელიც დაფარული აზრის მქონე, საკმაოდ უცნაურ სურათებს ქმნის. მხატვრის ჩანაფიქრის ამოცნობა მხოლოდ სურათებზე დაკვირვებით შეიძლება, რადგან ნახატზე ერთი ობიექტი, მეორეში გადადის და რამდენიმე გამოსახულებამ შეიძლება, ერთი სახე შექმნას. ოქტავიო ოკამპოს ნახატი დაგეხმარებათ გაიგოთ, როგორ იქცევით და გამოხატავთ ემოციებს, როცა შეყვარებული ხართ.
შეხედეთ სურათს. რა დაინახეთ პირველად?
მოხუცის სახე
თუ პირველად მოხუცის სახე დაინახეთ, ეს ნიშნავს, რომ თქვენ ხართ ადამიანი, რომელსაც მხედველობიდან არაფერი ეპარება. თქვენ მხოლოდ ისეთი ადამიანი მოგხიბლავთ, რომელიც მზადაა გაიღოს დიდი დრო, ძალისხმევა და შრომა, რასაც ნამდვილი სიყვარული მოითხოვს. ასევე თქვენც მზად ხართ ურთიერთობაში იმდენი ძალისხმევა დახარჯოთ, რამდენიც საჭიროა.
მხედარი
თუ პირველად ცხენზე ამხედრებული მამაკაცი დაინახეთ, ეს ნიშნავს, რომ როცა საქმე სიყვარულსა და რომანტიკას ეხება თქვენი გულის მოგება ძალიან რთულია. იდეალური პარტნიორი შეიძლება ცხვირწინ გყავდეთ, მაგრამ ამის გაცნობიერებას დიდი დრო დასჭირდება. თქვენ ხანგრძლივი ფიქრი და ყოყმანი გახასიათებთ, რაც ბევრისთვის გაუგებარია, თუმცა იქნებ ასეც სჯობს - სიფრთხილეს ხომ თავი არ სტკივა.
გოგონა მდინარის პირას
თუ სურათზე პირველად მდინარის პირას მწოლი გოგონას შენიშნეთ, ეს ნიშნავს, რომ თქვენი წინა სასიყვარულო გამოცდილება წარუმატებელი იყო და მძიმე კვალი დატოვა. მიუხედავად იმისა, რომ ჭრილობები მოიშუშეთ და ახალი ურთიერთობისთვის მზად ხართ, ტკივილის განმეორების მაინც გეშინიათ და ფრთხილობთ. განსაკუთრებით გიჭირთ საკუთარი თავის დარწმუნება იმაში, რომ ნამდვილი სიყვარული, რომელსაც სულიერი სიმშვიდე და ემოციური კომფორტი მოაქვს, არსებობს და ოდესმე აუცილებლად იპოვით.
ქვის თაღი მდინარეზე
თუ ქვის თაღი დაინახეთ, ეს ნიშნავს, რომ მეოცნებე და თავგადასავლების მოყვარული ადამიანი ხართ. ამ თვისებების მიღება ყველას არ შეუძლია, ამიტომ შეიძლება გაგიჭირდეთ ისეთი ადამიანის პოვნა, რომელიც თქვენს პიროვნებას შეესაბამება. თავგადასავლების მიუხედავად, მარტო ცხოვრება არ გსურთ და ღირსეულ პარტნიორთან შეხვედრაზე ოცნებობთ, მაგრამ ყოველთვის არ ხართ მზად, რომ ხანგრძლივი ურთიერთობისთვის თავისუფლება გაწიროთ.
სიახლეები ამავე კატეგორიიდან