საზამთროს 5-დღიანი დიეტა - რა უნდა გაითვალისწინოთ ეფექტური შედეგისთვის?

საზამთრო შეიცავს:

• B1, B2, PP, C ვიტამინებს;
• ფრუქტოზას;
• ფოლიუმის მჟავას, კაროტინს და უჯრედისს.
• აძლიერებს იმუნიტეტს.

გარდა იმისა, რომ საზამთრო გემრიელი, წვნიანი და სასარგებლო ხილია, ის შესანიშნავი შარდმდენი საშუალებაა.

საზამთროს დიეტა, ისევე როგორც სხვა მონო-დიეტები, სასურველია, გაგრძელდეს არა უმეტეს 5 დღისა.
ეს დრო სავსებით საკმარისია იმისთვის, რომ ორგანიზმი საფუძვლიანად გაიწმინდოს შლაკებისგან, ზედმეტი წყლისგან და, ასევე, არასასურველი მარილებისგან.

გაითვალისწინეთ დიეტის დაწყებამდე: საზამთროს მონო-დიეტის შესრულება არ არის სასურველი, თუკი გაწუხებთ თირკმელში კენჭი, შაქრიანი დიაბეტი, შარდსასქესო და კუჭქვეშა ჯირკვლის დაავადებები.

საზამთროს დიეტა:

✔️საუზმე: უშაქრო შვრიის ფაფა ცოტაოდენი ყველით;

✔️სადილი: 1 ნაჭერი მოხარშული თევზი (ან თინუსი წყალში - კონსერვი), მოხარშული საქონლის ხორცი ან მოხარშული ქათამი და ბოსტნეულის სალათი (რამდენიც გსურთ) - უცხიმოდ;

✔️ვახშამი: მხოლოდ საზამთრო.

მთელი დღის განმავლობაში, კვების შუალედებში, უნდა მიირთვათ საზამთრო წონასთან შეფარდებით - სხეულის მასის ყოველ ათ კილოგრამზე ერთი კილოგრამი საზამთროს რბილობი. მაგალითად, თუკი თქვენი წონა 70 კილოგრამია, დღის მანძილზე გადაანაწილეთ და მიირთვით 7 კილო საზამთრო. შეგიძლიათ, საზამთრო წვენის სახითაც მიიღოთ.

გაითვალისწინეთ დიეტის მეორე დღეს:

ყურადღებით ადევნეთ თვალი თქვენი ჯანმრთელობის მდგომარეობას: ზოგიერთ შემთხვევაში საზამთროს მონო-დიეტაზე ორგანიზმი მძიმედ რეაგირებს.
თუკი, მეორე დღეს თქვენ არ გრძნობთ მუცელში სიმძიმეს, მეტეორიზმს და ყველაფერი რიგზეა, თამამად შეგიძლიათ გააგრძელოთ დიეტა 5 დღის განმავლობაში.

გაითვალისწინეთ დიეტის დასრულების შემდეგ:

დიეტის დასრულების შემდეგ, სასურველია, 10 დღე გააგრძელოთ საზამთროს მიღება - ოღონდ, არა იმ რაოდენობით, როგორც დიეტის დროს და, რა თქმა უნდა, კვების ჩვეულ რეჟიმთან ერთად.

საზამთროს 5-დღიანი დიეტის გამეორება დასაშვებია ერთი თვის შემდეგ.