მიწავაშლას სასარგებლო თვისებები - რატომ უნდა ჭამოთ ტოპინამბური შაქრიანი დიაბეტის დროს?

მიწავაშლა ანუ ტოპინამბური ვიტამინების და მინერალების განძია. მათი ჩამოთვლა დიდ დროს წაგვართმევს, მაგრამ შეუძლებელია, არ აღვნიშნოთ ბუნებრივ ინსულინზე, რომელიც დიაბეტით დაავადებულთათვის აუცილებელია.

ექიმები დიაბეტით დაავადებულებს ყოველთვის ურჩევენ მიწავაშლას მიღებას, რადგან ის შაქრის აქტიური დამშლელია და ინსულინის მოვალეობას ასრულებს. გარდა ამისა, ორგანიზმიდან მძიმე ლითონები, მარილები, ტოქსინები, რადიონუკლიდები და ზედმეტი ქოლესტერინი გამოაქვს.

როგორ გამოვიყენოთ მიწავაშლა, როგორც სამკურნალო საშუალება?

შაქრიანი დიაბეტის დროს

დიაბეტის დროს ან მისი პროფილაქტიკისთვის სასურველია დღეში სამჯერ, ჭამამდე 10 წუთით ადრე ორი, ნედლი ან მოხარშული მიწავაშლა შეჭამოთ. გაფცქვენით და მოხარშეთ საშუალო ცეცხლზე დარბილებამდე - დაახლოებით, 15 წუთის განმავლობაში. თუ გსურთ სითეთრე შეინარჩუნოს, დაამატეთ ღვინის ძმარი 10 გრ (1 დესერტის კოვზი) 1 ლიტრ წყალზე.

კანის დაავადებების დროს

ეგზემის, ფსორიაზისა და დამწვრობის სამკურნალოდ დაზიანებულ ადგილებზე გახეხილი მიწავაშლა უნდა დაიდოთ.

სახსრების დაავადებების დროს

პოდაგრის და ართრიტის დროს სახსრებზე უნდა დაიდოთ მოხარშული და დასრესილი მიწავაშლას პიურე. საყრდენ-მამოძრავებელი სისტემის დაზიანების, მარილების დაგროვებისა და ოსტეოქონდროზის დროს მიწავაშლას გამხმარი ფოთლებისგან მომზადებული სამკურნალო აბაზანები დაგეხმარებათ.

გისურვებთ სილამაზეს და ჯანმრთელობას!