ზოდიაქოს ყველაზე პატიოსანი ნიშანი

12. ტყუპები

თავიანთი ორმაგი ბუნებიდან გამომდინარე, ტყუპები ცდილობენ საზოგადოების მოსაწონად გამოიყურებოდნენ და ამისთვის გამუდმებით უწევთ ტყუილის თქმა. ტყუპები ასევე მიდრეკილნი არიან ინფორმაციის გაზვიადებისა და ჭორაობისკენ. თუმცა საჭიროების შემთხვევაში, შეუძლია, პატიოსანი გახდეს.

11. სასწორი

სასწორებს არ მოსწონთ კონფლიქტი და დაპირისპირება, ამიტომ ჰარმონიისა და მშვიდობის შესანარჩუნებლად ტყუილისაც არ ერიდება. როდესაც სასწორი სიმართლის თქმას გადაწყვეტს, ამას საოცრად ლამაზად და სხვა ადამიანების გრძნობების პატივისცემით გააკეთებს.

10. თევზები

წყლის ნიშანი, რომელსაც პლანეტა ნეპტუნი მართავს, მეოცნებე და რომანტიკულია. მას სიყვარულის არსებობის სწამს და მის გადასარჩენად ყველაფერს იღონებს. თევზებს შეუძლიათ მოიტყუონ ან სიმართლე დამალონ, თუ ეს ვინმეს გრძნობებს შეურაცხყოფს ან ურთიერთობას დააზარალებს.

თუ ვითარება მოითხოვს, თევზებს შეუძლიათ უაღრესად გულწრფელები გახდნენ.

9. მორიელი

ამ ნიშნით დაბადებული ადამიანები თავიანთი იდუმალი და ინტუიციური ბუნებით არიან ცნობილები. მათ შეუძლიათ ადამიანი გადაშლილი წიგნივით წაიკითხონ, ამიტომ ძნელია, სიმართლე დაუმალოთ. მორიელები პატიოსნებას აფასებენ და ძალიან ერთგულები არიან. ხშირად ზედმეტად გულწრფელებიც არიან და შეუძლიათ სახეში მოგახალონ სიმართლე, თუნდაც ეს მტკივნეული იყოს. ზოგადად, მორიელი სიმართლეს მაშინ ამბობს, როცა მისთვის მომგებიანია. მათ უყვართ მოვლენების გაზვიადება და დრამატიზება, რაც ზოგჯერ ტყუილს წააგავს.

8. თხის რქა

ეს ნიშანი ამბიციურობასთან, დისციპლინასთან და საიმედოობასთან ასოცირდება. თხის რქებს ურჩევნიათ საკუთარი აზრები და გრძნობები თავისთვის შეინახონ, მაგრამ თუ თქვენში სანდო ადამიანი დაინახეს, შეგიძლიათ მათ გულწრფელობას ენდოთ. თუმცა, თუ თხის რქა არ გიცნობთ ან არ გენდობათ და მიზნის მიღწევაში ხელს უშლით, ის აუცილებლად ეცდება თქვენს მოტყუებას. თხის რქებისთვის პატიოსნება მნიშვნელოვანია, მაგრამ საკუთარი ამბიციები - მთავარი!

7. კირჩხიბი

ზოდიაქოს ეს ნიშანი თავისი სიმტკიცითა და თავდაცვის უნარით არის ცნობილი, თუმცა, შინაგანად ძალიან მგრძნობიარეა. რაც უფრო ღრმაა თქვენი კავშირი, მით უფრო ღია და გულწრფელი იქნება ის თქვენთან. ურთიერთობას რთულად ამყარებს, მაგრამ თუ გენდოთ, თქვენგან დაფარული არაფერი ექნება. კირჩხიბები ერთგული და პატიოსანი მეგობრები არიან და ყოველთვის იცავენ იმას, რისიც სჯერათ. მათი ერთგულება შეიძლება პატიოსნების ფორმად მივიჩნიოთ, ამიტომ რეიტინგის მეშვიდე ადგილს ნამდვილად იმსახურებენ.

6. კურო

კურო გულწრფელი და პატიოსანია. კუროს სჯერა, რომ პატიოსნება ნებისმიერი ურთიერთობის საფუძველია, თუმცა, როგორც დედამიწის ნიშანი, უპირატესობას სტაბილურობას ანიჭებს და ჰარმონიის შენარჩუნებისთვის შეიძლება მოიტყუოს. ასე რომ, თუ უზომოდ სიმართლის მოყვარულ და პატიოსან მეგობარს ეძებთ, კურო საუკეთესო არჩევანი არ არის, თუმცა, კუროს ტყუილი არ უყვარს და უკიდურეს შემთხვევაში იტყუება.

5. ლომი

ეს ცეცხლოვანი ნიშანი ვნებიანი და ძალიან ამბიციურია. ლომს არ ეშინია საკუთარი აზრის გამოხატვა და საკუთარი პრინციპებისთვის ბრძოლა. ის სამართლიანი და პატიოსანია და ცდილობს, ყოველთვის სწორად მოიქცეს. თუ თქვენ ურთიერთობებისთვის გახსნილ, პატიოსან მეგობარს ეძებთ, ლომი იდეალური არჩევანია.

4. მერწყული

მერწყულები ყოველთვის იმას ამბობენ, რასაც ფიქრობენ და არ ადარდებთ, რას ფიქრობენ ამაზე სხვები. ისინი საკმარისად გაბედულები არიან, რომ რთული თემები ღიად განიხილონ. უაღრესად ცნობისმოყვარეები არიან და კითხვების დასმის არ ეშინიათ.

პატიოსნება მერწყულების მნიშვნელოვანი თვისებაა, რადგან მათ სწამთ, რომ სიმართლე ყოველთვის იმარჯვებს. მოტყუება მერწყულებისთვის დროის უქმად კარგვაა, ამიტომ პრობლემის რეალურად მოგვარება ურჩევნიათ.

3. ქალწული

ქალწულს სწამს, რომ გულწრფელობა და პატიოსნება ნებისმიერ ურთიერთობაში აუცილებელია. ისინი საკუთარი პირობის ერთგულები, სამართლიანები და პირდაპირები არიან. გარდა ამისა, ქალწულები საკმაოდ კრიტიკულები არიან საკუთარი თავის და სხვა ადამიანების მიმართ. ისინი ნებისმიერ სიტუაციაში ყველასგან დაჟინებით მოითხოვენ სიმართლეს და პატიოსნებას. დიახ, ქალწული ნამდვილად ერთ-ერთი ყველაზე პატიოსანი ზოდიაქოს ნიშანია.

2. ვერძი

ვერძი სამართლიანი და სიმართლის მოყვარულია და ყოველთვის გულახდილად ამბობს თავის აზრს. მას დაპირისპირების არ ეშინია და ნებისმიერი გამოწვევისთვის მზადაა.
ვერძს ტყუილი და მატყუარა ადამიანები სძულს. ის სიმართლეს სახეში მოგახლით, რამდენად მტკივნეულიც არ უნდა იყოს მისი მოსმენა. ვერძს სჯერა, რომ სიმართლე ურთიერთგაგებისთვის ერთადერთი გზაა. თუ თქვენ წარმოუდგენლად პატიოსან მეგობარს ეძებთ, მაშინ ვერძი იდეალური არჩევანია.

1. მშვილდოსანი

მშვილდოსანი ზოდიაქოს ყველაზე პატიოსანი ნიშანია. ზოგისთვის მისი პირდაპირობა გამაღიზიანებელია, რადგან მშვილდოსანს არ აინტერესებს, როგორ იმოქმედებს მისი სიტყვები სხვა ადამიანზე. ერთი სიტყვით, ეს არის ყველაზე გულწრფელი ზოდიაქოს ნიშანი, რომელიც ოდესმე შეგხვედრიათ.

მიუხედავად იმისა, რომ თითოეულ ნიშანს თავისი ძლიერი და სუსტი მხარეები აქვს, როდესაც საქმე პატიოსნებას ეხება, მნიშვნელოვანია გვახსოვდეს, რომ ადამიანი მხოლოდ ასტროლოგიური ნიშნით არ უნდა განვიხილოთ. უბრალოდ, ზოგი ნიშანი მეტად არის მიდრეკილი ტყუილის თქმისკენ, ზოგი კი ნაკლებად.