ზოდიაქოს ნიშნების დახასიათება ერთი სიტყვით

ვერძი - ლიდერი

ვერძები პირველები არიან არა მხოლოდ ჰოროსკოპში, არამედ ცხოვრებაშიც. ამასთანავე, არა აქვს მნიშვნელობა, რაში არიან ისინი ლიდერები - კარიერაში, ოჯახში თუ ცხოვრების სხვა სფეროში.

კურო - საიმედო

ამ ადამიანებს ყოველთვის შეგიძლიათ დაეყრდნოთ. ისინი ერთგული და საიმედო მეგობრები და პარტნიორები არიან. ნებისმიერ დროს მზად არიან, პირველი დარტყმა საკუთარ თავზე აიღონ. თუკი საქმეს ხელს მოკიდებენ, აუცილებლად მიჰყავთ ბოლომდე და არასდროს აძლევენ თავს იმის უფლებას, რომ ვინმეს მოლოდინები გაუცრუონ.

ტყუპები - ორიგინალური

ტყუპები თავისი ნიშნის სახელწოდებას სრულად ამართლებენ. მათში თითქოს ორი ადამიანი ცხოვრობს - ერთი კარგ ხასიათზეა, მეორე - ცუდზე, ერთს დეტექტივი უყვარს, მეორეს - ფანტასტიკა და ასე დაუსრულებლად.

კირჩხიბი - მეოჯახე

კირჩხიბს უყვარს თავისი ნიჟარა, რომელიც მის სახლს წარმოადგენს და ცდილობს, მისგან იშვიათად გამოვიდეს. ნებისმიერი ცვლილება მათთვის ძნელი ასატანია.

ლომი - პოპულარული

ლომი ცხოველთა მეფეა და ამ ნიშნის წარმომადგენლები - ადამიანთა შორის ყველაზე პოპულარულები. ისინი გამოირჩევიან ქცევით, წარმატებით, სტილით, აზროვნებით.

ქალწული - კონსერვატორი

ქალწულებს უყვართ ფუფუნება და კომფორტი, მაგრამ იმიჯის შეცვლა და ახალ ადგილზე გადასვლა - ნურას უკაცრავად. ისინი წარმატებას ნაბიჯ-ნაბიჯ აღწევენ და სასურველის მიღწევის შემდგომ ძალიან ძნელად ცვლიან რაიმეს.

სასწორი - ესთეტი

სასწორმა სადაც არ უნდა იმუშაოს და რაც არ უნდა აკეთოს, მაინც ყოველთვის ჟურნალის ყდიდან გადმოსულს ჰგავს. ამ ადამიანებმა იციან სილამაზის ფასი და კარგად ერკვევიან მოდაში. მათ დაბადებიდან დახვეწილი გემოვნება და მანერები აქვთ.

მორიელი - ძლიერი

მორიელი ემოციურია, მაგრამ რაც არ უნდა მოხდეს, თავის სისუსტეს არ დაგანახვებს. ისინი საწყლად არასდროს გამოიყურებიან.

მშვილდოსანი - დამოუკიდებელი

მშვილდოსანი ვერ ძლებს თავგადასავლების, ცოდნისა და ექსპერიმენტების გარეშე. მას ყოველივე ახალი და საოცარი იტაცებს. ამასთანავე, მხოლოდ საკუთარი ძალების იმედზეა.

თხის რქა - მომთმენი

როცა თხის რქა მიზანს დაისახავს, მისკენ დიდხანს ივლის - სხვა რამეზე არ მოცდება. თუ რამეს გადაწყვეტს, ესე იგი, შეასრულებს კიდეც. მისი გადარწმუნება შეუძლებელია. მას ხომ ულევი მოთმინება აქვს.

მერწყული - ამოუცნობი

მერწყულს საზოგადოებაში ტრიალი უყვარს. ამასთანავე ის განუმეორებელი და ყოველთვის ამოუცნობია.

თევზები - სენტიმენტალური

თევზები ცხოვრების დინებას მიჰყვებიან, მაგრამ თუ საჭიროა, აღმაც შეუძლიათ ცურვა. უბრალოდ, ისინი მოვლენებისა და ადამიანების მიმართ ძალიან მგრძნობიარენი არიან.