ზოდიაქოს ოთხი ნიშანი, რომელიც სიბერემდე ბავშვად რჩება
12:00 ოთხ. 10 ივლისი
![ბავშვობა სიბერემდე ბავშვობა სიბერემდე](/files/2024/07/09/11222/bavshvoba-siberemde_w_h.jpeg)
ზოდიაქოს ეს ოთხი ნიშანი იმის დასტურია, რომ ბავშვური გულწრფელობის და ენთუზიაზმის შენარჩუნება ნებისმიერ ასაკში შესაძლებელია. მათ ბედნიერების წვრილმანებში დანახვა შეუძლიათ და სამყაროს ბავშვის გაფართოებული თვალებით უყურებენ.
ვერძი
ვერძი, რომელსაც პლანეტა მარსი მართავს, ყველაზე ბავშვურ ზოდიაქოს ნიშნად მიიჩნევა. ვერძი თავისი უსაზღვრო ენერგიითა და ენთუზიაზმით ცნობილია. ის ცხოვრებას ისეთი თვალებით უყურებს, როგორითაც ბავშვი დაბადების დღის საჩუქარს. მის ცნობისმოყვარეობას საზღვარი არ აქვს და ყოველთვის რაღაც ახლის შესწავლა სურს.
ვერძი წარმოუდგენლად ემოციური და ფეთქებადია. ის დიდხანს არ ფიქრობს, უბრალოდ აკეთებს. ხასიათის ამ თვისებების გამო, თავგადასავლები არასოდეს აკლია. მისი სპონტანურობა და ხალისი გადამდებია და მუდმივად გვახსენებს, რომ ბედნიერება წვრილმანებშია.
ტყუპები
ტყუპები თავისი ორმაგი ბუნებით ცნობილია. ის ხშირად მხიარულ და ცნობისმოყვარე ადამიანად გვევლინება. წარმოიდგინეთ ბავშვი, რომელმაც ახლახან დამალობანას თამაში ისწავლა - ეს ტყუპების ენერგიაა.
გარშემო მყოფებს ტყუპების მახვილი გონება და საუბარი ართობს. მას შეუძლია ყველაზე მოსაწყენი თემაც კი საინტერესო გახადოს, ნებისმიერ ადამიანთან, ნებისმიერ თემაზე ისაუბროს და სიტუაციაში ახალი ხედვა შემოიტანოს.
ლომი
ლომებს ბუნებრივი ქარიზმა და ბავშვებისთვის დამახასიათებელი სითბო აქვთ. მათ ყურადღების ცენტრში ყოფნა და სიტუაციის დრამატიზება უყვართ. წარმოიდგინეთ, რომ ბავშვი თავისი ოჯახისთვის წარმოდგენას ატარებს - ეს ლომია. ის თავდაჯერებული და ენთუზიაზმით სავსეა და ყოველთვის მზადაა ოთახი თავისი ყოფნით გაანათოს.
ლომი წარმოუდგენლად გულუხვია და პატარა ბავშვს ჰგავს, რომელიც საყვარელ სათამაშოს დაუფიქრებლად გთავაზობს. ის ერთგულია და უფროს ძმას ჰგავს, რომელიც უმცროსებს უვლის. ლომს ნებისმიერ სიტუაციაში სიხარული და მხიარულება მოაქვს, რაც თავადაც სიამოვნებას ანიჭებს.
მშვილდოსანი
მშვილდოსანი სამყაროს ბავშვის ფართოდ გახელილი თვალებით უყურებს და ყოველთვის ახალ შთაბეჭდილებებს ეძებს. მოგზაურობისა და ძიების სიყვარულიც ბავშვური ცნობისმოყვარეობიდან მომდინარეობს, რომელსაც აინტერესებს ჰორიზონტს მიღმა რა არის. მშვილდოსანი ყოველთვის სვამს კითხვებს და პასუხებს ეძებს, როგორც ბავშვი, რომელმაც ახლახან სიტყვა „რატომ“ ისწავლა.
მისი ხალისი და მხიარულება გადამდებია. მშვილდოსანი ნებისმიერ სიტუაციას დადებითი მხრიდან ხედავს და გარშემომყოფებსაც იმავეს მოუწოდებს.
სიახლეები ამავე კატეგორიიდან