„თქვენი შვილი, სამწუხაროდ, გონებრივად ჩამორჩენილია...“ - მასწავლებლის წერილი და დედის პასუხი

დედამ წერილი კონვერტიდან ამოიღო, გაშალა, რამდენიმე წამი თვალცრემლიანი იდგა, შემდეგ კი კითხვა დაიწყო:

„თქვენი შვილი ნამდვილი გენიოსია, ჩვენს სკოლას არ აქვს საკმარისი რესურსები და არ ჰყავს შესაბამისი კვალიფიკაციის მასწავლებლები, რომლებიც ბავშვს სათანადო განათლებას მისცემენ. ამიტომ გირჩევთ, ბიჭს სახლში გააგრძელებინოთ სწავლა“.

***

ამ დღიდან დიდი ხნის შემდეგ, როცა დედა გარდაცვლილი იყო, უკვე დაკაცებული ის პატარა ბიჭი ოჯახის არქივის თვალიერებისას პატარა კონვერტს წააწყდა.

კონვერტი მაშინვე ეცნო, გახსნა და შიგ თავისი ბავშვობისდროინდელი სკოლის მასწავლებლის წერილი აღმოაჩინა, რომელშიც ეწერა:

„თქვენი შვილი, სამწუხაროდ, გონებრივად ჩამორჩენილია, ჩვენ არ შეგვიძლია მას ვასწავლოთ სასკოლო საგნები, ამიტომ ჩვენი რეკომენდაციაა, ბიჭს სახლში ინდივიდუალურად და შესაძლებლობის მიხედვით მისცეთ განათლება“.

უკვე დაკაცებულ იმ პატარა ბიჭს თვალები ცრემლით აევსო, ყელში ბურთი გაეჩხირა. შემდეგ კი აკანკალებული ხელით კალამი აიღო და თავის დღიურში ჩანაწერი გააკეთა:

„თომას ალვა ედისონი იყო კლასში ჩამორჩენილი ბავშვი, მაგრამ მას ჰყავდა არაჩვეულებრივი, გმირი დედა, რომლის ძალისხმევით, შთაგონებითა და რწმენით მსოფლიომ შეიძინა დიდი მეცნიერი, მეწარმე, გამომგონებელი და საზოგადო მოღვაწე. დედის გმირობის წყალობით, ეს ბიჭი თავისი საუკუნის დიდ გენიოსად იქცა“.

გიყვარდეთ და გახსოვდეთ დედები!

P.S. თომას ედისონმა ბავშვობაში ქუნთრუშა გადაიტანა, სმენა დაუქვეითდა და კლასს ჩამორჩა. დედამ, რომელიც ასევე მასწავლებელი იყო, გადაწყვიტა, 7 წლის შვილისთვის სახლში მიეცა განათლება.
დანარჩენი კი უკვე კარგად ვიცით, რაც მოხდა ამ გენიოსის ცხოვრებაში...